Dokumentet, Tahiri dyshohet se falsifikoi dokumentin e Prokurorisë italiane
DOSJA/ “MOISIU I BLEU GRUAS SE TAHIRIT GJERDAN 15 MIJE EURO”
Maxhoranca në Komisionin e Ligjeve ka zhvilluar dje pa praninë e opozitës seancën dëgjimore me 7 kandidatët për Prokuror të Përgjithshëm të Përkohshëm. Deputetët e PD- së dhe LSI- së bënë të ditur se nuk do të merrnin pjesë në seancën dëgjimore, ndërkohë që në mbledhjen e djeshme mori pjesë dhe deputeti i PSD- së, Tom Doshi. Kryetari i Komisionit të Ligjeve, Ulsi Manja, tha dje se të 7 kandidatët për Prokuror të Përkohshëm do t’i nënshtrohen një forme “vetingu” nga Parlamenti, pasi para se ata të dërgohen në Parlament, do t’u verifikohet pasuria nga ILDKP dhe pastërtia e figurës nga Autoriteti i Hapjes së Dosjeve. Para deputetëve të majtë paraqitën platformën prokurorët Arqile Koça, Arta Marku, Artur Sel- mani, Besnik Muçi, Ferdinad Elezi, Ermira Tafani dhe Granit Shahu. Gjatë seancës, kandidatja Arta Marku tha se Prokuroria e Përgjithshme ishte na kaos, ndërkohë që kandidati Besnik Muçi tha se Prokuroria vuan nga sëmundjet virale të korrupsionit. Ndërsa kandidatja Ermira Tafani tha se konkurrimet më parë bëheshin mbi baza preferenciale dhe klanore. Kandidatët e tjerë, Arqile Koça dhe Artur Selmani nuk kanë pranuar të japin komente për punën e paraardhësve, duke e gjykuar si joetike. Ndërsa kandidati Granit Shahu tha se duhej shtuar numri i prokurorëve, pasi ai vetë kishte përballuar në një vit 300 dosje. Kandidati Ferdinand Elezi pranoi dje se kishte marrë masë disiplinore nga ish- kryeprokurorja Ina Rama, por këtë masë e kishte rrëzuar Gjykata e Apelit dhe ajo e Lartë.