‘ Moisiu i bleu gruas së Tahirit gjerdan 15 mijë euro’
Zbardhen përgjimet e reja: S’do para, por gjerdanë me diamante
Në vendimin e Gjykatës së Krimeve të Rënda, që i bllokoi pasaportën Saimir Tahirit, pjesë e argumenteve janë edhe disa përgjime të reja, që janë paraqitur si provë nga Prokuroria. Në përgjimet e realizuara nga Drejtësia italiane dhe që janë në dosjen prej 1800 faqesh, janë nënvizuar rastet kur përmendet ish- ministri i Brendshëm, Saimir Tahiri. Sipas materialit që është bërë publik nga organi i akuzës, personat e përgjuar e kanë përmendur sërish Saimir Tahirin duke thënë se ai nuk do para, por gjerdanë dhe diamante dhe, sipas tyre, Moisi Habilaj ka shpenzuar 15 mijë euro për një gjerdan që e ka blerë për bashkëshorten e Tahirit. Në përgjime, personat e arrestuar në Itali flasin edhe për makinën “Audi A8” dhe mënyrën se si u ble makina e Tahirit nga Artan Habilaj, që në fakt përdorej nga Moisi Habilaj, e cila sipas të përgjuarve është dhënë me mirëbesim, me aq sa ka dashur Tahiri. Prokuroria ka shkëputur një bisedë të përgjuar mes Eneo Sulajt dhe një personi të paidentifikuar. Më poshtë përgjimet e reja që ndodhen në materialin e Prokurorisë.
Enea Sulaj: Kur shkova atje më thoshte pronari, sepse kishte folur me Saimirin, që i kishte kështu… kostumin. Më tha zgjedhjet, por unë e kuptova sikur po thoshte leksionet. Ndërsa ata me zgjedhje quajnë votimet. Dhe ai më tha, po zgjedhjet mirë? Dhe unë i thashë … po çfarë të tha që shkojmë në shkollë. Çfarë i the? Dhe ai më thoshte, po jo, jo, flet meqenëse ka folur me Saimirin dhe po pyet për zgjedhjet. Dhe unë i thashë, kam një lëmsh. I kanë vjedhur të gjithë votat. Kështu fillova të flisja për politikë më atë… dhe Moisiu me thoshte, lërë këtë muhabet, sepse sikur të vijë ai, sepse e ka mbajtur numrin ( aludon për faktin se Saimiri e ka ruajtur numrin e pronarit të dyqanit). Sikur të vijë për të blerë, sepse i kishte pëlqyer ( kostumi).
Eneo Sulaj: E more vesh se çfarë i ka blerë Moisiu bashkëshortes së tij?! Një gjerdan që kushton 15 mijë euro. Burri: Po, çfarë po thua?
Eneo Sulaj: Tani për tani që u nis, përveç parave Burri: Kostumin dhe…
Eneo Sulaj: Jo, jo! Burri: Nuk jep asgjë pa bashkëshorten thua?!
Eneo Sulaj: Po! Përveç Sokolit që i mori paratë për punën, Saimiri nuk donte para. Është e qartë sepse me ata… dhe i tha…. gjerdanin me diamante.
Në një tjetër bisedë mes dy personave përmendet automjeti “Audi A8” dhe nëse Moisiu kishte ndërmend ta shiste.
Eneo Sulaj: “Audin”? Po jo, nuk e shet atë. Në fillim do të blejë detyrën Saimiri dhe pastaj……
Burri: Saimiri ia ndryshon S- në, merr ndonjë tjetër për të marrë…. Eneo Sulaj: Ajo është e shtetit. Burri: Ah, ai është i shtetit. Eneo Sulaj: Po! Më duket se është i shtetit, është 150 me atë…. Moisiu trak- trak. Moisiu tani më tha se do të marrë një S të vitit 2013. Me sa para do ta marrësh? Më tha me 50 mijë. Në një tjetër përgjim në automjetin e Meridian Sulajt përmendet sërish automjeti i Tahirit. Meridian Sulaj: Presidenti e ka 01, Kryeministri e ka 02, 03 është “Audi” që ka Artani. Që e kishte ai kushëriri ynë. Vetëm ata e kanë. Avdyl Sulaj: E mirë, targa të veçanta janë. Meridian Sulaj: Targa të veçanta, 03 e ka Artani, që i ka dhënë ai. Burri: Cili Artan? Meridian Sulaj: Ishte i kushëririt tonë. Ai, Kryeministri vëlla? Si quhet, çfarë është tani ai? Avdyl Sulaj: Saimiri. Meridian Sulaj: Saimir Tahiri. 01 e ka Presidenti, 02 e ka Kryeministri, 03 e kishte ky Saimiri. Avdyl Sulaj: E ka Saimiri! Meridian Sulaj: Po ai është Ministër i Brendshëm. Avdyl Sulaj: Targat e qeverisë u hiqen targat makinave të qeverisë kur shiten. Meridian Sulaj: Po ai ia ka dhënë Artanit me të gjitha dokumentet. Ta marrë dreqi, çfarë thotë ky shiten. Ua heqin, është e tij personale, o vëlla! Avdyl Sulaj: Është personale, nuk është e punës? Burri: Nuk e ndalon. Meridian Sulaj: Po atë e ka dhënë kështu, në mirëbesim, nuk e ka dhënë… Avdyl Sulaj: Po ajo dihet. Meridian Sulaj: Por në të vërtetë ia ka dhënë Moisiut. Moisiu ia ka blerë me sa ka dashur ai. Ia ka blerë.