Braçe publikon kontratat dhe akuzon LSI: I dhanë 111 ha tokë Klement Balilit
Deputeti i PS: Dy kontratat janë dhënë kur Balili ishte në kërkim. Taulant Balla: LSI është partia e Klement Balilit
Deputeti socialist Erion Braçe, akuzoi ishministrin e Bujqësisë, Edmond Panariti për kontrata koncesionare me anëtarë të familjes Balili.
Ndërsa kryetari i grupit parlamentar socialist, Taulant Balla e cilësoi LSI- në partinë e Klement Babilit. Deklaratat u bënë gjatë një interpelance të kërkuar nga deputeti Braçe me ministrin e Bujqësisë, Niko Peleshi. Opozita nuk ishte në sallë duke e konsideruar atë një interpelancë të stisur. Kontratat, sipas Braçes, janë lidhur në një kohë që Klement Balili ishte në kërkim ndërkombëtar, ndërsa ai tha se 80 përqind e kontratave të qirave të tokave buqësore janë qoka politike. “Kontrata e parë nënshkruar më 20.05.2016, një kontratë e firmosur mes Ministrisë së Bujqësisë dhe “Balili & co sh. p. k.”. Ministria e Bujqësisë vë në dispozicion të “Balili & co” 21. 4 ha tokë bujqësore në Buronjë të Delvinës. Kompania administrohet nga Bashkim Balili, një prej familjarëve të Klement Balilit. Klement Balili nuk është aktor teatri, por një person nën kërkim. Kjo kontratë është lidhur kur partnerët tanë në vendin fqinj, por dhe agjencitë ligjzbatuese në Tiranë, shpallën në kërkim Klement Balilin. Kjo është tradhëti e madhe, e rëndë që i bëhet Policisë së Shtetit dhe organeve ligjzbatuese në vend”, tha Braçe. Ndërsa kontrata e dytë është nënshkruar sipas deputetit socialist me nipin e Klement Balilit. “Kontrata e dytë e nënshkruar më 06.07. 2016, dy muaj pasi Klement Balili u shpall në kërkim dhe pronat e gjithë familjes Balili bastiseshin në kërkim të tij. Kjo kontratë është lidhur me shoqërinë “Alb Universal 1995”, e themeluar nga Albin Bashkim Balili, djali i Bashkim Balilit, vëllai i Klement Balilit. Kjo kontratë i jep kompanisë Alb Universal, sipërfaqen 90.4 ha në zonën kadastrale pasuri në njësinë administrative Piskovë, Bashkia Përmet. Kjo është një kontratë, dhënë nga partia e tyre për këta njerëz, dhe në kohën kur këta njerëz ishin shpallur në kërkim nga Policia”, tha Braçe.
BALLA Kryetari i Grupit Parlamentar Socialist, Taulant Balla, i cili ndërhyri në debat, tha se këto kontrata tregojnë se LSI është partia e Klement Balilit. “Falenderoj Braçen për të gjithë këto fakte të rënda publike, bëhet fjalë për dhënie toke bujqësore një personi të shpallur në kërkim, Klement Balili, dhe Kuvendi i Shqipërisë nuk mund të heshtë, edhe opozita nuk mund të mungojë në këtë sallë, sepse në këtë sallë është një ish- min- istër Bujqësie i cili është firmëtar i kësaj kontrate, është partia e Klement Balilit, LSI, dhe ata duhet të jenë këtu bashkë me opozitën tjetër dhe të japin mendimin e tyre”, tha Balla. Deputeti socialist Erion Braçe ka vijuar denoncimin e tij me kontratrat e lidhura nga Ministria e Bujqësisë. “Kontrata e tretë më 22. 4. 2014, e lidhur mes shtetases Sonila Sine dhe Ministrisë së Bujqësisë. Sine është familjare e kryetarit të bashkisë së Beratit i cili merr 43.6 ha tokë bujqësore”, tha Braçe. Gjithashtu, sipas Braçes, një tjetër kontratë ësh- të lidhur me shoqërinë “Bashkimit bujqësor Maj”, e cila ka marrë në disponim 74 ha në Lunxhëri të bashkisë Gjirokastër. Ai akuzoi një deputet të Kuvendit që përflitet se qëndron pas kësaj kontrate. Por, për deputetin socialist, ministri i Bujqësisë ka firmo- sur dhe dhënien e mbi 1 mijë hektarëve tokë bujqësore me koncesion në Myzeqe. “Janë dhënë 1148.17 ha tokë bujqësore te kompania “Agri Products Europe” me pronar shtetasin holandez Servatjus Petrus Gerardus Hujbers, i cili më pas i ka transferuar 75% të aksioneve Muhamad Abajdul Karim, i lindur në Bangladesh dhe i shet 25% të aksioneve përkthyesit të tij Besim Ceka. Sipas Braçes, kontratat janë dhënë pa garë, investimet në to janë minimale ndërsa sipërfaqe të mëdha të tokave kanë mbetur djerrë dhe të papërdorura.