Panorama (Albania)

Përdhunon 13- vjeçaren në Kuçovë, pranga 49- vjeçarit

Nëna: Vajza e vogël erdhi e shqetësuar në shtëpi, s’fliste

-

Kryen marrëdhëni­e seksuale me dhunë me një vajzë të mitur dhe tenton të trafikojë motrën e saj të madhe.

Pas një hetimi disamujor, policia ka vënë në pranga autorin e dyshuar, Aliosha Emini, 49 vjeç, banues në Kuçovë. Ai akuzohet se ka përdhunuar 13- vjeçaren B. Guri, si dhe ka tentuar të trafikojë jashtë vendit me qëllim shfrytëzim­in për prostituci­on motrën e saj, A. Guri, 19 vjeçe. Ndaj 49- vjeçarit, që sipas Policisë njihet si person me probleme mendore, do të rëndojë akuza “trafikim i të rriturve” dhe “marrëdhëni­e seksuale me të mitur”. Emini, sipas dëshmisë së nënës së dy vajzave, vazhdimish­t përndiqte vajzat e saj dhe për këtë kishin bërë dhe disa herë kallëzim në polici, por 49- vjeçari, pasi shoqërohej në komisariat, lihej sërish i lirë. “Kishim dijeni që i ngacmonte vajzat dhe kemi bërë disa herë kallëzim në polici, por lihej i lirë më pas”, shprehet Rajmonda Guri. Për përdhunimi­n e vajzës së saj të vogël, ajo tregon se fillimisht e mitura nuk kishte treguar në shtëpi për atë që kishte ndodhur. “Vajza e vogël erdhi e shqetësuar në shtëpi dhe nuk fliste. Ajo nuk tregoi për abuzimin, se ishte në gjendje të rëndë. Vajza nuk e hapte gojën, e gjeta të mbledhur. Vetëm pastaj kur erdhi burri shkuan të dy në polici”, thotë e ëma. Ndërsa gjyshi i dy vajzave, duke folur për ngjarjen e ndodhur, shprehet se famil- ja e djalit të tij ndodhet në gjendje të vështirë ekonomike dhe herë pas here detyrohet që me pensionin që merr t’i ndihmojë për të siguruar bukën e gojës. Por, nga ana tjetër, ai bën me faj dhe mbesat e tij për atë që ka ndodhur, duke thënë se ato nuk ia dëgjojnë fjalën. “Nuk janë të hajrit, s’më pyesin. Kur s’janë të hajrit, i bëj lanet”, shprehet i moshuari. Përdhunimi i vajzës së mitur ka ndodhur disa muaj më parë, ku Emini, i cili njihet me emrin “Losha”, e ka detyruar atë me anë të forcës që t’i nënshtrohe­t. Vajza fillimisht e ka fshehur një fakt të tillë, ndërsa më pas u ka treguar prindërve për përdhunimi­n, duke thënë se nuk e njihte agresorin. Pasi ka mësuar të vërtetën i ati i saj ka bërë kallëzim në polici, ndërkohë që pas një pune disamujore hetimore nga ana e policisë u arrit identifiki­mi i autorit dhe arrestimi i tij.

 ??  ?? Nëna e vajzave Rajmonda Guri duke treguar ngjarjen
Nëna e vajzave Rajmonda Guri duke treguar ngjarjen

Newspapers in Albanian

Newspapers from Albania