PER ÇDO KATEGORI Pensionistët, datat për ndarjen e shpërblimit
ISSH pakt me Postën, zbardhen datat kur do tërhiqet shpërblimi 3 mijë lekë. Hado: Shpërblimi nuk humbet, mund të tër hiqet edhe pas dhjetorit
Nis nga sot ndarja e shpërblimit për 649 mijë pensionistë. Kreu i ISSH- së dhe ai i Postës Shqiptare firmosën dje marrëveshjen ku Posta merr përsipër të kryejë pagesën e shpërblimit të festave të fundvitit pensionistëve, në qendrat e saj paguese.
Për të mos krijuar probleme në shpërndarjen e pensioneve, si dhe përfundimin e dhënies së këtij shpërblimi, është hartuar një grafik, i cili do të mundësojë shpërndarjen pa probleme të tij deri në fund të dhjetorit. Gazeta boton të plotë datat kur pensionistët do të marrin shpërblimin bashkë me pensionin, si dhe datat për pensionistët që e kanë tërhequr tashmë pensionin mujor të dhjetorit. Sipas grafikut, të gjithë përfituesit e këtij shpërblimi, duke filluar nga sot, 15 dhjetor deri më datë 30 dhjetor 2017 do të marrin shpërblimin. Pensionistët që e marrin pensionin pranë bankave të nivelit të dytë, shpërblimi i fundvitit do t’u kalohet në llogarinë bankare të çelur për kreditimin e pensionit mujor. Kalimi i shpërblimit në llogarinë bankare do të bëhet në datën 20.12.2017.
Kreu i ISSH- së, Astrit Hado, theksoi se “... në prag festash pensionistët meritojnë vetëm lajme të mira”. Ai shtoi se nga nesër nisin shpërblimet e fundvitit prej 3 mijë lekësh për 648 mijë përfitues, të ndarë në pensionistë, përfitues të pensioneve të parakohshme, për vjetërsi shërbimi, atyre që përfitojnë trajtimin e veçantë financiar të ishpunonjësve të nëntokës dhe ish- punonjësve të ndërmarrjeve të industrisë ushtarake, si dhe personat që nuk përfitojnë pension, por që trajtohen vetëm me shpërblimin financiar si veteranë të LANÇ- it, si dhe person- at, të cilët marrin vetëm pension të posaçëm për Merita të Veçanta. “Falë mundësisë që na ka dhënë marrja në kohë e këtij Vendimi nga Këshilli i Ministrave, jam i sigurt që shpërndarja e shpërblimit do të bëhet në kohë dhe me cilësi, duke iu dhënë mundësinë përfituesve që ta tërheqin atë, duke filluar nga dita e nesërme ( sot) deri në datën 30 dhjetor 2017”, theksoi Hado. Kreu i ISSH- së nënvizoi se edhe ata që për ndonjë arsye nuk e tërheqin shpërblimin gjatë kësaj periudhe, do të jenë sërish përfitues të 3 mijë lekëve. “Për të gjithë ata përfitues që nuk mund ta tërheqin shpërblimin deri në këtë datë, mund ta marrin atë në çdo kohë. Për ne është e rëndësishme që qytetarët të marrin përfitime të drejta dhe në kohë sa më të shpejtë, sepse ata që kanë punuar gjithë jetën meritojnë respekt dhe trajtim dinjitoz”, nënvizon Hado. Ndërsa kreu i Postës, Duraj, theksoi se “Posta shqiptare do të japë maksimumin e saj që i gjithë ky proces të kalojë në mënyrën më të mirë të mundshme pa krijuar radhë, probleme dhe gjëra të kësaj natyre”.