Bylykbashi: Prokurori i ri do pezullojë dosjen “Habilaj/ Tahiri”
Nënkryetari i Grupit Parlamentar të PD, Oerd Bylykbashi, ka hedhur poshtë pretendimin e kryetares së Komisionit të Ligjeve, Vasilika Hysi, se maxhoranca duhet të mbështesë me votë një nga kandidatët për Prokuror të Përgjithshëm të përkohshëm. Sipas Bylykbashit, maxhoranca, përmes votave të saj, po kërkon të fitojë imunitet nga ndjekja penale. “Propozimet e kandidatëve për votim në Parlament na i bëkan 28 deputetë! Pra, deputetët e Kryeministrit Rama do të seleksionojnë edhe emrin që i pëlqen Ramës. Jo më thjesht kapje politike, por ky është një puç kushtetues i frikshëm. ý Dhe mos humbni fillin: Ky Prokurori i Përgjithshëm i përkohshëm do ketë pushtetin e pezullimit të dosjes jeshile Habilaj/ Tahiri. Ai do të përgatisë dosjet fillestare të vetingut për prokurorët që rrezikojnë me hetim Ramën. Kjo tregon qartë që, pas gjithë kësaj maskarade parlamentare, është halli i Ramës më shumë se sa i Tahirit. Ky prokuror është IMUNITETI DE FACTO nga ndjekja penale ýqë po kërkon Rama. 28 deputetë bëjnë propozim VETEM kur Kushtetuta NUK parashikon ndryshe ( neni 111 i Rregullores së Kuvendit)”, sqaron Bylykbashi. ýNënkryetari i Grupit të PD, kujton se kur emri i Prokurorit të Përgjithshëm propozohej nga Parlamenti, mbetej i paragjykuar politikisht, prandaj edhe ndryshimet kushtetuese të 22 korrikut ia ngarkuan KLP- së zgjedhjen e Kryeprokurorit. “Një Prokuror i Përgjithshëm, ýqë na u emëronte nga Parlamenti me propozim të Presidentit, na ishte i kapur politikisht. Ndaj, dhe Kushtetuta, pas Reformës në Drejtësi, ia dha të drejtën e propozimit vetëm Këshillit të Lartë të Prokurorisë ( KLP) dhe Parlamenti duhet të votojë me 3/ 5 ose 84 vota. Kjo vetëm e vetëm që Parlamenti, pra, politika, të mos caktojë Prokurorin e Përgjithshëm. ýPasi pa ligj dhe me një memo, ýsajuan procedurën dhe caktuan që Rama e miraton me vetëm 36 vota Prokurorin e Përgjithshëm, tani ýkanë sajuar një sharlatanizëm të ri”, deklaron Bylykbashi.