PALOKA: RAMA DO SHANTAZHOJË OPOZITËN ME KRYEPROKURORIN

Në një komunikim me median, një ditë pas seancës së zgjedhjes së Kryeprokurorit të ri, Basha deklaroi se vendi gjendet në një krizë të gjithanshme dhe zgjidhja nuk është Gjykata Kushtetuese, por vetëm përballja popullore. “Gjykata Kushtetuese nuk është as zjarrfikës dhe as forcë paqeruajtëse. Gjykata Kushtetuese është një institucion juridik, i cili ka për detyrë të interpretojë paqartësitë në raport me zbatimin e Kushtetutës. Kushtetuta është e qartë si drita e diellit. Askush nuk duhet ta mendojë, as të fshihet pas gishtit, ndaj e vetmja zgjidhje për këtë krizë të rëndë politike, të shkaktuar nga një narkomazhorancë dhe nga një narkokryeministër, është një përballje politike, e cila nisi dje dhe do të vazhdojë deri në përfundimin, me fitoren e plotë të kushtetutshmërisë. Kjo nuk është një çështje burokracie, as peticionesh, por është një çështje e mprehtë politike. Shqipëria gjendet në një krizë të gjithanshme politike, ekonomike, kushtetuese, në një krizë të thellë besimi. Kjo nuk ndalet, për një arsye të thjeshtë, sepse në Shqipëri ka rënë shteti. Kur shteti ligjor ka rënë, kur narkoshteti ka pushtuar çdo hapësirë, detyra kryesore e opozitës është të ftojë qytetarët duke i vetëdijesuar ata për këtë të vërtetë, t’i ftojë të bashkohen me të gjitha mjetet demokratike, për t’u përballur, për të rikthyer shtetin ligjor, për të rikthyer Kushtetutën”, tha Basha.

PROKURORI Kreu i PD sqaroi se në Parlament nuk u zgjodh Arta Marku në krye të Prokurorisë, por Edi Rama. “Pa dyshim, që një mandat i fituar në mënyrë antikushtetuese, është nulë dhe i pavlefshëm. I tillë është edhe mandati i fituar dje. Por Nënkryetari i PD- së, Edi Paloka ka deklaruar se një nga arsyet që Kryeministri kërkonte të kapte Kryeprokurorin, ishte kërcënimi dhe shantazhimi i opozitës. “Edvini i Kristaqit kërkonte dhe u bë Prokuror i Përgjithshëm. Nuk i duhej vetëm për të mbrojtur kriminelet ordinerë që ka futur dhe mban në politike. Nuk i duhet as vetëm për të mbrojtur Tahirin, Dakon, Beqen, Sejdinin... I duhet për të mbrojtur veten dhe për të kërcënuar e shantazhuar opozitën”, u shpreh Paloka. nuk është thjesht nulë dhe i pavlefshëm. Askush të mos ketë asnjë iluzion. Kushtetuta nuk është e Partisë Demokratike, as e Partisë Socialiste, është e çdo qytetari dhe është themeli i bashkëjetesës demokratike. Kushtetuta është dokumenti themelor. Puçi kushtetues nuk ndalet me peticione, ndalet vetëm me përballje. Kryeprokurori në Sh- qipëri, që prej ditës së djeshme është vetë Edi Rama. Dhe arsyeja përse e ka bërë këtë, është thjesht ekzistenciale, jo thjesht për Sajmir Tahirin dhe Vangjush Dakon, por për vetë atë.”, sqaroi kreu i PD.

AMBASADORI Basha iu përgjigj edhe deklaratave të Ambasadës Amerikane kur kujtoi se nuk ishte opozita që ushtroi dhunë përmes tymueseve, por ishte dhunimi i Kushtetutës nga maxhoranca. “Dhuna e vetme dje në Parlament nuk ishin tymueset, por dhunimi i Kushtetutës. Çfarëdo të thonë ambasadorët, faktet janë ato që janë. Këshilli i lartë i Prokurorisë nuk është krijuar prej 8 muajsh, në dhunim flagrant me Kushtetutën. Prokurori është zgjedhur në mënyrë antikushtetuese nga Edi Rama. Prokurori është zgjedhur pa veting. SPAK dhe Byroja e Hetimit nuk janë formuar dhe nuk dihet se kur do të formohen. Këto janë fakte, të tjerat pastaj janë çështje mendimesh dhe opinione, që gjithkush ka të drejtë t’i japë dhe natyrisht të mbajnë përgjegjësi. PD dhe unë personalisht jemi në komunikim të vazhdueshëm me të gjithë faktorin ndërkombëtar, i cili është më i vetëndërgjegjësuar se për krizën kushtetuese dhe politike në vend, të shkaktuar nga kthimi i Shqipërisë në narkoshtet si projekt politik i Edi Ramës”, tha Basha.