Ngjela: Lu kërcënoi Bashën, tregoi forcën edhe me Berishën

Kryetari i Partisë Ligj dhe Drejtësi, avokat Spartak Ngjela, në një postim në Facebook, ka deklaruar se ambasadori Lu me qëndrimet e tij ka kërcënuar Lulzim Bashën dhe i ka treguar forcën e SHBA- ve, Sali Berishës. Avokat Ngjela ka komentuar takimin e Donald Lu me prokuroren e re, Arta Marku, së cilës i dha mbështetje për të goditur të korruptuarit. “Ambasadori Lu pasi kërcënoi dje Bashën, duke ia bërë të qartë Saliut forcën e Shteteve të Bashkuara; sot takoi Prokuroren e Përgjithshme. Sigurisht, në të dy rastet ai ka paraqitur forcën e Shteteve të Bashkuara, por, ndërsa Bashës i kujtoi që këtë forcë e ka kundër, nëse vepron sërish siç veproi të hënën që kaloi, Prokuroren e garantoi se këtë forcë e ka në shërbimin e saj për të vendosur ligjin antikorrupsion në Shqipëri. Shqiptarët tani janë në prag të shpëtimit të tyre. Dhe kjo duket te çrregullimi mendor i të gjithë të korruptuarve; që u bënë grup në sallën e Parlamentit. Kurrë mos mendoni se ishin të trem- bur nga Prokurorja; jo, janë të trembur nga Uashingtoni, por nuk flasin dot kundër. Po, shihni si janë bërë edhe ca gazetarë antiamerikanë, që operojnë pa njohur asnjë gjykim. Por ja që gjykimet janë vetëm dymbëdhjetë; pa i njohur, sigurisht që të tradhton mllefi. Edhe tabori i Saliut e pa tani që nuk është Rama pas prokurores Marku, por Uashingtoni. Dhe Saliu do jetë në hall me ta. Pikërisht për këtë është i mërzitur; se nuk del dot kundër politikës amerikane. I mërzitur është; por Saliu tani po e fyen me mllef Ramën pikërisht se përse ky ua la në dorë amerikanëve akuzën shqiptare. Hajde Sali, hajde! Tani Saliu është mat: si me SPAK si pa SPAK, ai është i djegur”, shkruan Ngjela.