Këshilli Bashkiak miraton buxhetin për vitin 2018
Rrjedhin votat nga LSI, Veliaj: Ndërtojmë 17 shkolla të reja
Me 32 vota pro, Këshilli Bashkiak i Tiranës miratoi dje buxhetin e vitit 2018. Opozita vendosi të mos marrë pjesë në mbledhje duke u larguar nga salla, vetëm pak minuta nga fillimi saj. Kreu i këshilltarëve të djathtë, Kreshnik Çollaku, në një deklaratë për mediat, tha se mbledhja është e falsifikuar dhe po zhvillohej pa kuorumin e duhur. “Refuzojmë të bëhemi pjesë e çdo lloj mbledhjeje të paligjshme, me kuorum të falsifikuar dhe me synimin e qartë që bëhet për të kaluar një buxhet korruptiv për njerëz të korruptuar, të cilët do të vazhdojnë të rëndojnë më shumë qytetarët e Tiranës dhe keqqeverisjen e Tiranës”. Për kalimin e buxhetit, votat e maxhorancës ishin të pamjaftueshme. Edhe në këtë rast, çfarë i erdhi në ndihmë Bashkisë, ishin votat e këshilltarëve të LSIsë. Kështu Genta Mezini, Agim Kraja, Bora Panajoti dhe Naim Halili votuan pro buxhetit. Për kryebashkiakun Veliaj, buxheti i vitit që vjen do të sjellë më shumë investime në kryeqytet, jo vetëm në qendër, por edhe në periferi. Këtu përfshihet edhe ndërti- SHKOLLA të reja do të ndërtohen vitin e ardhshëm në kryeqytet. Sipas kryebashkiakut Veliaj, në sajë të këtij projekti, do të marrë fund mbingarkesa dhe mësimi me dy turne mi i 17 shkollave të reja në 9 njësi të cilat do t’i japin zgjidhje përfundimtare mësimit me dy turne. “Në Bashkinë e Tiranës gjenden gjithsej 191 shkolla publike. 61 shkolla kanë më shumë nxënës se sa kapaciteti i tyre maksimal dhe 57 shkolla e zhvillojnë mësimin me dy turne. Për t’u dhënë një zgjidhje përfundimtare këtyre tre problemeve, duhet të ndërtohen 17 shkolla të reja, nga të cilat 10 shkolla të ciklit 9- vjeçar, të cilat do të përfshijnë edhe ambiente për kopshte brenda tyre, dhe 7 shkolla të ciklit të mesëm të lartë”, tha Veliaj. Kryebashkiaku bëri me dije po ashtu se Bashkia e Tiranës ka përfunduar të gjitha procedurat e nevojshme për të filluar punën në vitin 2018 për ndërtimin e dy terminaleve të rinj të transportit, ter- minali Jug- Lindor i Tiranës, i cili parashikohet të përballojë fluksin e autobusëve dhe furgonëve që hyjnë në Tiranë nga rr. e Elbasanit, përkatësisht autobusët që vijnë nga Korça, Pogradeci, Librazhdi, Përrenjasi dhe Elbasani, si edhe autobusët që vijnë nga Maqedonia dhe terminali tjetër, që do të përballojë fluksin e autobusëve dhe furgonëve që hyjnë në Tiranë nga qytetet jugore, veriore dhe verilindore. Një lajm tjetër i mirë, i dhënë nga kryebashkiaku Veliaj në fjalën e tij, ishte edhe ai për nderimin e dy nga shkrimtarëve më të mëdhenj shqiptarë, Dritëro Agollin dhe Ismail Kadarenë. Ai tha se Bashkia e Tiranës ka nisur bisedimet me familjet e dy shkrimtarëve për t’i kthyer banesat ku ata kanë jetuar në muze.