Elozhe për shqiptarin, një hakmarrje e ëmbël e Ajetit
Në fund të vitit, është koha për të bërë bilancet. Objektiva të arritur apo jo dhe pritshmëri të përmbushura nga dikush apo jo. Në mediat italiane, një shqiptar është bërë kryefjala e arritjeve pozitive. Arlind Ajeti është sinonimi i suksesit për Krotonen.
Mbrojtësi - Për Arlind Ajetin është periudha e... hakmarrjes. I lënë në harresë nga Torino, mbrojtësi shqiptar po u tregon të gjithëve cilësitë dhe aftësitë e tij. Duke mos gjetur vend te Torino, transferimi te Krotone u vlerësua fillimisht si hap pas në karrierën e shqiptarit. Mirëpo, krejt ndryshe ka ndodhur. Me hapësirat në dispozicion, Arlind Ajeti ka arritur të çojë në 3 milionë vlerën e kartonit të tij. Duke bërë vlerësimet e skuadrës së Krotones, ai është për momentin me vlerën maksimale.
Elozhet - “Shqiptari po bën mjaft mirë dhe gjithnjë e më shumë po shndërrohet në një futbollist të pazëvendësueshëm. Me atë që ka treguar së fundmi, ka arritur të bindë gjithkënd dhe të fitojë një vend në formacion edhe për vitin e ardhshëm. Ashtu si Leticia, ai po zë vend në skuadër”, ka shkruar portali “Tuttomercatoëeb” për Ajetin. I lënë i lirë nga Torino në merkaton e fundit, shqiptari po arrin “t’ua kthejë mbrapsht” atë trajtim, jo vetëm atyre, por gjithkujt në Itali që hez- itoi për shërbimet e tij. Me Valter Zengën në krye, fitorja ndaj Kievos së fundmi ishte sinjal i qartë se Krotone do ta shfrytëzojë më së miri eksperiencën e saj për t’i shpëtuar rënies nga kategoria.