Shkeljet me legalizimet, KLSH kallëzon pesë zyrtarë
“Legalizuan ndërtime mbi Bunë, pyje dhe zona arkeologjike”
Kontrolli i Lartë i Shtetit kallëzoi në Prokurori 5 ish- zyrtarë të ALUIZNI- t në Shkodër, pasi kanë abuzuar me dhënien e lejeve të legalizimit.
Shkeljet u gjetën pas përfundimit të auditit në këtë institucion për periudhën janar 2015 deri në korrik 2017. Sipas KLSH- së ish- drejtori, 3 ishpërgjegjës të Sektorit të Legalizimit dhe juristi i Drejtorisë Rajonale të ALUIZNI – t në Shkodër kanë kryer legalizime të jashtëligjshme me sipërfaqe 15,661 metra katror në brigjet e liqenit të Shkodrës, në brigjet e lumit Buna, nuk kanë skualifikuar 993 objekte të ndërtuara në zonën historike, arkeologjike apo zonën e mbrojtur si dhe kanë shmangur procedurat ligjore për arkëtimin e 189,311 mijë lekëve, të ardhura këto të munguara për fondin e kompensimit të ish- pronarëve. Për këto shkelje KLSH ka kryer kallëzim penal në Prokurorinë e Rrethit Gjyqësor Shkodër, për A. D, ish- Drejtorin e ALUIZNI- t, E. B, ish- përgjegjësen e Sektorit të Legalizimit, I. SH, përgjegjëse e Sektorit të Hartografisë dhe Çështjeve të Pronësisë Hartografisë, A. B me detyrë specialist për çështjet e pronësisë dhe jurist i Njësisë së Prokurimit dhe F. T ish- përgjegjës i Sektorit të Legalizimit, për konsumim të elementëve të veprës penale të “shpërdorimit të detyrës”. Për shkeljet e gjetura kLSH i ka kërkuar drejtorit të përgjithshëm të ALUIZNI- t të marrë masa disiplinore për 13 punonjës.
SHKELJET Nga auditi KLSH konstatoi shkelje për 1932 objekte informale ku janë kryer të gjitha procedurat kualifikuese për legalizim, janë përgatitur e printuar lejet e legalizimit prej një periudhe nga 2- 3 vjet, por “nuk i janë dhënë qytetarit”. Këto dosje janë në administrim nga drejtuesit dhe nuk janë kthyer në arshivë, duke mos respektuar afatin ligjor në 30 ditë për dhënien proceduesit të lejes së legalizimit. Po ashtu nuk është gjetur asnjë dokumentacion për skualifikimin ose jo të 993 objekteve të ndërtuara në zonën historike, arkeologjike apo zonë e mbrojtur, si dhe nuk disponon dokumentacion për informimin e Drejtorisë së Përgjithshme të ALUIZNI- t Tiranë dhe institucionet e vetëqeverisjes vendore në Qarkun Shkodër. Shkelje janë gjetur edhe me lejet e legalizimit të dhëna brenda zonës së mbrojtur të lumit Buna dhe liqenit të Shkodrës. Po ashtu janë legalizuar me shkelje 24 objekte me një sipërfaqe prej 10,791 metra katror në tokë “arë dhe pyll”.