NË PRITJE TË DREJTORIT
Edhe pse zakonisht fituesi i “Onufrit” është shpallur pak përpara mbylljes së tij, këtë vit drejtori i Galerisë Kombëtare të Arteve, Artan Shabani, ka menduar ta ndajë ca më herët emrin, si një dhuratë fundviti. Edicioni i 23- të, kuruar nga italiani Gaetano Centrone, ishte një rrugëtim në memorien kolektive dhe personale të artistëve pjesëmarrës në këtë edicion. Ai kolazh veprash të përzgjedhura për këtë vit, u kornizua nën titullin “Au fil du temps - Kujtesë kolektive, kujtime personale”. Pasi shqyrtuan veprat pjesëmarrëse, që ofronin një larmi mediumesh, që nga tabloja tek vizatimi, fotografia e video instalacioni, juria e përbërë nga tri artiste, Lumturi Blloshmi, Greta Lami dhe Ledia Kostandini, shpalli veprën “Mixed Memor”, 2017, mix media, wall installation, glass, wood, paper..., 4m, si më të arrirën e kësaj ekspozite, e cila u hap në datën 20 dhjetor. Juria shpalli fituese veprën e artistes malazeze me motivacionin: “Jelena Tomaseviç arrin të përcjellë një kolazh eksperiencash njerëzore nëpërmjet narracionit dhe metaforës, në një tablo të gjerë përjetimesh. Ajo koleksionon impulset që i ofron memoria. Tomaseviç filtron eksperiencën kolektive përmes një gjuhe figurative tejet simbolike, duke ofruar qëndrimin e saj personal ndaj fenomeneve të ndryshme sociale”. Fituesi i kësaj ekspozite vlerësohet edhe financiarisht me shumën 300 mijë lekë.
EKSPOZITA Në këtë edicion të Ekspozitës Ndërkombëtare “Onufri” morën pjesë dhjetë artistë nga vende të ndryshme, kryesisht nga rajoni ballkanik, që kanë kaluar në eksperienca të ngjashme me ato të shqiptarëve. Por gjeografia e pjesëmarrësve shkonte edhe deri në Meksikë. Artistët pjesëmarrës në këtë edicion janë Zeni Ballazhi, Adi Haxhiaj, Koja, Perino & Vele, Leonard Qylafi, Calixto Ramírez, Jelena Tomasevic, Vangjush Vellahu, Alketa Xhafa Mripa, Fani Zguro. Në çeljen e ekspozitës kuratori Centrone do të shprehej se jo pa qëllim kishte zgjedhur një grup artistësh, që i përkisnin pak a shumë të njëjtit brez. “Kërki- Ndonëse konkursi për drejtorin e ri të GKA- së është shpallur që në muajin tetor dhe nga sa mësohet, nga burime pranë Ministrisë së Kulturës, emri i kandidatit të përzgjedhur ka shkuar në Kryeministri, por ende nuk ka kaluar për miratim në mbledhjen e Qeverisë. Viti i ri nuk dihet seç sjell në këtë drejtim, miratimin e kandidatit të përzgjedhur apo ndonjë shtyrje të mandatit të drejtorit aktual e bashkë me të edhe të konkursit. Megjithatë, duket se Artan Shabani ka dashur të mbyllë “punët e veta” në fund të mandatit, dhe të mos e lerë “Onufrin” pa një fitues, të paktën sa të jetë ai ende në postin e drejtorit. Qarkullojnë fjalë se drejtori i ri do të donte ta gjente të bardhë axhendën e GKA- së, për të derdhur në të gjithë vizionin e tij për Galerinë Kombëtare të Arteve, por se çfarë do të ndodhë me të vërtetë, do të na e tregojë viti që kemi në prag. mi im u shtri edhe në rajonin e Ballkanit, i shoqëruar gjithnjë nga një klimë konfliktesh dhe tensioni. Vendosa ta lejoja veten të frymëzohesha nga rëndësia që ka historia në pjesën më të madhe të artistëve”, tha Centrone. Mes punëve të paraqitura, një pjesë e madhe e të cilave është krijuar enkas për këtë edicion të “Onufrit”, ai ka gjetur një fije lidhëse, që është koha. “Artistët i përkasin të njëjtit brez dhe bashko- hen nga fijet e kohës që ecin në mënyrë lineare, por ka edhe deviacione, ulje- ngritje. Dhe kam qenë i prirur që brenda historive të mëdha të gjej ato historitë e vogla që flasin për secilin nga ne. Kjo është memoria jonë dhe mund të jetë memoria kolektive, e cila është në ndërtim”, u shpreh Gaetano Centrone.
Ekspozita “Onufri XXIII”, do të qëndrojë e hapur për publikun deri më datë 30 janar 2018.