Ofertë e Junajtid për Dibalën, te Juvja tallen

Bardhezinjtë nuk lejojnë largimin e argjentinasit pa 160 milionë euro

Lënia në stol nga Masimiliano Alegri u ka dhënë shkas lajmeve të merkatos mbi një largim të mundshëm të Paulo Dibalës.

Disa ditë më parë, mediat sportive europiane folën për një interes të Mançester Junajtidit për "La Joya"- n. Me merkaton fare pranë, u tha se "Djajtë e Kuq" po përgatisnin një ofertë për argjentinasin që kohët e fundit po has disa vështirësi në Torino. Po sipas këtyre mediave, ishte vetë Zhoze Murinjo që kishte kërkuar sulmuesin e Juventusit, madje duke përmendur edhe një ofertë, e cila ishte rreth 67 milionë euro. Sipas "The Indipendent", bardhez- injtë jo vetëm që e refuzuan, por edhe dhanë një përgjigje epike: "67 milionë euro për Dibalën, mos po talleni? Duhet shumë më shumë."

Oferta e re - Me çështjen në dukje të arkivuar, dje "The Sun" deklaronte se Murinjo jo vetëm që nuk tallej, por kishte rritur ofertën e tij duke fu- tur në bisedime edhe kartonin e Henrik Mkhitarian. Sipas të përditshme britanike, në Mançester janë të vendosur për të afruar një yll me numrin 10 të "Zonjës së Vjetër" në krye të listës të së parapëlqyerve. 95 milionë euro dhe armenin Mkhitarian, është kjo kundërpërgjigjja e Mançesterit, me krerët bardhezi, që këtë herë ndoshta nuk qeshën, por flitet se edhe kjo ofertë është refuzuar. Vendos Juvja - Me Murinjon që ka qëllime serioze, priten të tjera ofensiva milionere gjatë merkatos që hapet javën e ardhshme. Në Torino, Dibala vazhdon të konsiderohet i pashitshëm dhe nëse duhet vërtet të largohet, Juventusi nuk i bën ulje askujt, ndaj kushdo që kërkon shërbimet e argjentinasit, duhet të jetë më i guximshëm në aspektin financiar të çështjes. Krerët bardhezi janë të bindur se mund të nxisin një ankand për "La Joya"- n mbi bazën e 160 milionë eurove me mundësinë që oferta e duhur të jetë rreth 200 milionë eurove, pasi pas një shifre të tillë, vështirë se në Torino do të lejojnë largimin e numrit të tyre 10- të.