Pallati në rrezik, banorët e gdhijnë jashtë shtëpive
Gjeologët nga Tirana japin alarmin pas vlerësimit të situatës: Banorët të evakuohen nga apartamentet, rrëshqitja është aktive
Të 15 familjet e pallatit në kodrën shtufore në lagjen “Punëtori”, e kanë kaluar natën zgjuar nga frika e shembjes së ndërtesës gjashtë katëshe.
Shumica e tyre kanë fjetur jashtë apartamenteve, por ka pasur edhe nga ata që kanë sfiduar frikën duke u gdhirë në banesat e tyre. Çarja tërthore e masivit shtufor, në një gjatësi disa metra, është ndierë nga banorët e pallatit dhe shtëpive si lëkundje tërmeti një ditë më parë, ndërkohë që dje nuk ka pasur lëkundje të tjera. Një banesë dy katëshe përbri pallatit ka pësuar plasaritje, ndërsa banorët, të përfshirë nga paniku, kërkojnë zgjidhje. Nga ana tjetër, nënkryetari i Bashkisë Gjirokastër, Vangjel Muço, është shprehur se institucioni në fjalë ka kontaktuar me specialistët e gjeologjisë, të cilët kanë mbërritur dje për të monitoruar nga afër situatën. Dhe, në fakt, ka qenë një ekspert i Institutit të Gjeologjisë, i cili, përmes një instrumenti, ka sonduar terrenin shtufor në një sipërfaqe prej 1000 metër katrorë, aty ku është konstatuar rrëshqitja e dheut. Ka pasur momente tensioni mes nënkryetarit të Bashkisë së Gjirokastrës, Vangjel Muço, dhe banorëve të pallatit. Këta të fundit, mjaft të acaruar, kërkonin ndërhyrjen e organeve vendore për situatën e krijuar, ndërkohë që nga ana e saj, bashkia ua ka faturuar përgjegjësinë organeve të tjera. Përfaqësuesi i Institutit të Gjeologjisë nga Ti- ranë ka kryer veprimet në terren dhe të martën që vjen, pritet të marrë zgjidhje situata, pasi të veprohet në mënyrë adekuate nga Drejtoria e Emergjencave Civile në kryeqytet, si dhe Instituti i Gjeologjisë. Ky institucion, sipas specialistit gjeolog, do të përcjellë direktivat e ndërhyrjes në terren për të shmangur akoma më tepër avancimin e gjendjes. Vetëm gjatë ditës së djeshme, terreni ka pësuar rrëshqitje në metra të tërë, duke kërcënuar kësisoj dukshëm jetën e banorëve. Cano Nora, drejtor i Shërbimit Gjeologjik, ka kërkuar evakuimin e banorëve për të shmangur ndonjë situatë katastrofale, që mund të shkaktojë avancimi i mëtejshëm i rrëshqitjeve të dheut në
Cano Nora, drejtor i Shërbimit Gjeologjik, ka kërkuar evakuimin e banorëve për të shmangur ndonjë situatë katastrofale, që mund të shkaktojë avancimi i mëtejshëm i rrëshqitjeve të dheut në zonën kodrinore shtufore. Në vlerësimin paraprak, të kryer edhe nga grupi i gjeologëve të mbërritur nga Tirana, bëhet me dije se situata qëndron mjaft alarmante
zonën kodrinore shtufore. Në vlerësimin paraprak, të kryer edhe nga grupi i gjeologëve të mbërritur nga Tirana, bëhet me dije se situata qëndron mjaft alarmante, ndërsa ata kanë kërkuar që banorët të braktisin apartamentet pasi rrëshqitja konsiderohet aktive dhe pritet që vlerësimet e detajuara të përcaktojnë edhe menaxhimin e situatës në vijimësi. Ndërkohë, banorët e pallatit dhe dy shtëpive që rrezikohen nga shembja, i kanë dërguar peticion Kryeministrit Rama për zgjidhjen e situatës në fjalë.