Zbardhet kupola e re drejtuese e PS, emrat e sekretarëve

Balla kritika ministrave: Reflektoni seriozisht, krijuat gropa në zgjedhjet në PS

Kryetari i Asamblesë Kombëtare, Taulant Balla, njëkohësisht Sekretar i Përgjithshëm i PSsë, nuk kurseu dje kritikat ndaj drejtuesve politikë në qarqe, të cilët janë dhe ministra, për punë të dobët në zgjedhjet në parti.

Duke folur në Asamblesë Kombëtare, Balla tha se janë toleruar anëtarë të Asamblesë, që të mos përfshihen në zgjedhjet në PS, duke dëmtuar marrëdhënien me strukturat e partisë dhe zgjedhësit. “Kemi anëtarë të kësaj asambleje që nuk kanë pasur fare prani në organizatat ku kanë qenë të deleguar dhe nuk kanë ushtruar detyrën e tyre si pjesë e këtij forumi të lartë. Pse?! Mund të ketë secili psenë e tij, por pseja ime është shumë e thjeshtë: Sepse ne e kemi toleruar këtë neglizhencë në të shkuarën dhe kjo tolerancë është kthyer në dobësi organizative deri në këtë nivel”, tha Balla. Sipas tij, nëse ministrat kanë shumë ngarkesë në detyrat e qeverisë, të mos mbajnë dhe postin e drejtuesit politik të qarkut. “Sigurisht, përgjegjësia individuale bie mbi çdokënd që nuk e ka bërë detyrën, por ajo politikë bie në radhë të parë mbi drejtuesit politikë të qarqeve, të cilët e kanë toleruar në përditshmërinë e punës së tyre këtë dobësi të rëndë dhe nuk i kanë qëndruar mbi kokë procesit me rigorozitetin e nevojshëm. Dhe këtu më duhet të ripërsëris kryetarin e Partisë, për ata kolegë drejtues qarqesh që janë edhe ministra, sepse ata kanë edhe barrën më të madhe dhe në njëfarë mënyre edhe hapësirën më të madhe për justifikime”, tha kryetari i Asamblesë. Balla i kërkoi ministrave të reflektojnë ndërsa do të ketë një mbledhje kryesie, që do të marrë në analizë përmbushjen e kësaj detyre. “Përgjegjësia e drejtimit politik dhe angazhimi partiak në qarkun përkatës është prioritare dhe nuk mund të bjerë si rezultat i ngarkesave të tjera, sepse ka kosto të madhe për integritetin e marrëdhënies së shumicës sonë qeverisëse me popullin. Prandaj, duke i ftuar kolegët drejtues të qarqeve si edhe të gjithë deputetët dhe anëtarët e Asamblesë po ashtu, në një reflektim serioz për gropat e lëna hapur në procesin e zgjedhjeve në parti, i propozoj kryetarit të Partisë që kryesia të mblidhet sa më parë për të adresuar konkre- tisht problematikat që duhen trajtuar në 200 ditët e ardhshme në këtë drejtim themelor të bashkëqeverisjes sonë me njerëzit”, tha Sekretari i Përgjithshëm i PS- së.

SEKRETARIATI Sekretari i Përgjithshëm, Taulant Balla, propozoi dy sekretarë të rinj ekzekutivë pranë kryesisë së PS- së. Ai riktheu sekretarin për marrëdhëniet me Jashtë dhe sekretarin Elektoral. Balla u

Sekretari i Përgjithshëm lajmëroi zhvillimin e zgjedhjeve për 13 krerë të Partisë Socialiste të bashkive për shkak se ata kanë preferuar të marrin një detyrë në administratë. “Nga krijimi i vendeve vakante në detyrën e kryetarit të partisë së Bashkisë, për arsye të zgjedhjes apo emërimit të disa prej tyre në detyrë tjetër, brenda muajit shkurt 2018 do të zhvillohen zgjedhjet e reja edhe në këtë nivel të strukturës vendore të Partisë. Deri tani është zgjedhur kryetari i Partisë i Bashkisë Përmet dhe janë në proces përzgjedhja dhe zgjedhja e tyre në bashkitë Lezhë, Klos, Elbasan, Peqin, Skrapar, Gjirokastër”, tha Balla. Ai kërkoi qartësim të pozicionit të tyre për shtatë kryetarë socialistë. “Brenda muajit janar të saktësohet qëndrimi ose jo në detyrë i kryetarëve të partisë në bashkitë Shkodër, Mirditë, Krujë, Ura Vajgurore, Fier, Roskovec, Delvinë; dhe të dërgohen për miratim në kryesinë e partisë kandidaturat për kryetarë partie të bashkive përkatëse”, tha Balla. Duke bërë një analizë të procesit zgjedhor në PS, Balla nuk i kurseu kritikat për mënyrën se si ka shkuar ai duke folur për situatë gri. “Nuk jemi aty ku duhet; madje jemi larg pozicionit ku duhet të gjendemi në çdo qark, pa përjashtim. Natyrisht, kohën e kemi përpara, por nëse dielli duket që në mëngjes, atëherë miq, 100 ditët e para kanë kaluar, edhe 200 të tjera i mbeten mëngjesit të këtij mandati për të shpërbërë situatën gri në pasqyrimin e gjendjes aktuale të partisë”, tha Balla. Sipas tij, PS e Tiranës ka mbetur më prapa me zgjedhjet. “Nga 4978 OS gjithsej në shkallë vendi, janë zhvilluar mbledhjet zgjedhore në 4785 OS. Diferenca prej 193 OS që janë në proces, përbëhet kryesisht nga 179 OS në Bashkinë e Tiranës. Ky është informacioni i datës 4 janar 2018. Por shifrat nuk i thonë të gjitha”, tha Balla. shpreh i pakënaqur nga puna e sekretarëve aktualë. “Dua të jem i hapur me ju, se jo i gjithë grupi i sekretarëve ka punuar me efikasitetin e plotë, që kërkon funksioni i ngarkuar nga Asambleja. Por unë dua t’i kërkoj Asamblesë, që sekretariatit aktual t’i jepet një mundësi e dytë. Njëkohësisht, dua që bashkë me kryetarin e Partisë t’i propozojmë Asam- blesë Kombëtare që detyrën e sekretarit për Marrëdhënie Ndërkombëtare t’ia besojmë shoqes Teuta Voda. Ndërsa shokut Bledi Çuçi t’i besojmë detyrën e sekretarit për Çështjet Zgjedhore”, tha Balla. Sipas tij, Blerina Gjylameti do të vazhdojë detyrën si sekretare për Koordinimin Elektoral, detyrë që e ka kryer më së miri dhe, që përgjatë këtij viti përgatitor për zgjedhjet lokale, merr një rëndësi të veçantë.