Për kanabisin reportazh edhe “Times”: Si u kthye Shqipëria në hambar droge
“Shqiptarët kanë krijuar besueshmëri si trafikantë të drogës, kanë krijuar lidhje të forta edhe me kolumbianët”
Gazeta prestigjoze britanike, “The Times”, i ka kushtuar një reportazh situatës së kultivimit dhe trafikut të kanabisit nga Shqipëria drejt vendeve të BEsë. Kështu, sipas shkrimit botuar në numrin e djeshëm të saj, trafikantët shqiptarë kanë fituar më shumë pushtet në perëndim dhe kontrollojnë tregun e drogës. Në këtë artikull, citohet Kryeministri Rama dhe ministri i Brendshëm Xhafa në lidhje me problemin e trafikimit të drogës. Po kështu, gazetari britanik shkruan se një raport i Policisë së vendit ishullor, tregon se bandat shqiptare atje kontrollojnë pjesën më të madhe të trafikut të kokainës dhe drogave të tjera më të lehta. Gjithashtu, në artikull përmendet operacioni i Lazaratit për parcelat e drogës dhe se si trafikantët u kundërpërgjigjën duke krijuar ferma kanabisi në të gjithë vendin. “Si kundërpërgjigje, trafikantët krijuan një ushtri të tërë me banorë të zonave rurale, duke e shpërndarë kultivimin e kanabisit në të gjithë vendin. Jo vetëm kaq, arritën që të korruptonin policitë lokale, të cilët u ruanin shpatullat”, shkruan gazeta britanike.
SI E KTHYEN TRAFIKANTËT SHQIPËRINË NË SHTET, QË PRODHON KANABIS
Teksa përgatitej për trafikimin e një sasie të madhe kanabisi për mafien siciliane, një prej trafikantëve shqiptarë i bëri të ditur qartë pikësynimet e tij të “Cosa Nostra”. “Do sjellim edhe kallashnikovë”, është dëgjuar të thotë, sipas përgjimeve, Moisi Habilaj. “Ata do masakrojnë njëri- tjetrin, kujt i hyn në punë, kjo është ajo që duan”, vijon ai më tej. Habilaj dhe banda e tij u arrestuan në vjeshtë nga Policia italiane, pasi trafikuan armë dhe më shumë se 3.5 tonë kanabis në Sicili, me një vlerë prej 20 milionë eurosh në vit. “Ne i kemi arrestuar, por nuk kemi ndaluar ende rrjedhën e drogës nga Shqipëria drejt Italisë përmes Adriatikut”, ka thënë një hetues italian. Në pjesën tjetër të Europës, në Britani, trafikanti shqiptar Klodjan Copja u burgos në muajin gusht, së bashku me 41 persona të tjerë, për trafikimin e një sasie droge që vlente 60 milionë paund. Kjo çoi në publikimin e një raporti nga Policia britanike, që dilte në përfundimin se bandat shqiptare kanë kontroll të konsiderueshëm të tregut të drogës në Britani. Trafikantët shqiptarë janë rritur së tepërmi pas rënies kaotike të komunizmit në Shqipëri, duke krijuar lidhje direkte me furnizuesit kolumbianë. Kryeministri Edi Rama ka propozuar edhe një marrëveshje te liderët europianë për luftën ndaj bandave të trafikut, në mënyrë që t’i japë shtysë anëtarësimit të Shqipërisë në BE. “Banditët shqiptarë,- shkruante ai në një letër të muajit nëntor, - janë duke hyrë edhe në shtetin tënd, duke përfituar nga droga, trafikimi i qenieve njerëzorë dhe nga aktivitete të paligjshme”. “Ne duam ndihmën tuaj dhe në shkëmbim do t’i kapim dhe sjellim para drejtësisë”, vijonte ai më tej. Bashkëpunimi me Policinë britanike është intensiv. Vitin e shkuar u zbulua një skemë e trafikimit të armëve përmes rrugëve ajrore nga Shqipëria drejt Britanisë. Armët kallashnikov ndaheshin në pjesë dhe dërgoheshin me postë drejt Britanisë. Rama ka thënë se ai refuzon që Shqipëria të marrë përgjegjësi për rritjen e rolit të shqiptarëve në krimin botëror. “Kam pasur një debat të madh me Boris Xhonsonin, i kam thënë se kriminelët shqiptarë nuk janë produkt dhe problem i Shqipërisë nëse janë aktivë në vendet e tjera”, ka thënë Rama. “Padyshim, që ka një mënyrë që ta adresojmë këtë problem së bashku, pasi ata kanë lidhje dhe të afërm këtu”, ka vijuar ai. Kryeministri shqiptar ka fajësuar mafien italiane, e cila sipas tij ka “shkolluar” shqiptarët në Britani. “Është shumë e vështirë të gjesh një kriminel race shqiptar, i cili nuk ka udhëtuar më parë në Itali”, ka thënë Rama. “Shqipëria është një zgjatim i jugut italian në shumë aspekte. Italianët janë shqiptarë të veshur me “Versace”. Pas emigrimeve në Europë dhe SHBA pas vitit 1990, shqiptarët kanë fituar popullaritet të keq sa i përket dhunës ekstreme dhe trafiqeve. Kur Habilaj humbi një dërgesë droge si pasojë e operacioneve të Policisë italiane, ai është përgjuar të thotë: “Nëse do të kisha një kallashnikov, do t’i hiqja qafe të gjithë”. Kohët e fundit, shqiptarët kanë krijuar besueshmëri si kriminelë. Ata trafikojnë drogë në kohën e duhur për porositësit dhe fshihen mirë. Ata, madje, arritën që të krijonin një fshat të tërë kanabisi, si ai në Lazarat. Pasi mori detyrën si kryeministër në vitin 2013, Rama dërgoi Policinë në Lazarat, ku u sekuestruan më shumë se 70 tonë kanabis dhe 400 armë luftarake, duke përfshirë kundërajrorë, mitraloza, granata, antitanke etj.. Si kundërpërgjigje, trafikantët krijuan një ushtri të tërë me banorë të zonave rurale, duke e shpërndarë kultivimin e kanabisit në të gjithë vendin. Jo vetëm kaq, arritën që të korruptonin policitë lokale, të cilët u ruanin shpatullat. Ndërkohë që Policia italiane nisi fotografimet nga ajri të parcelave me kanabis, Rama u përgjigj menjëherë duke shkatërruar më shumë se 2 milionë plantacione kanabisi në vitin 2016. Qeveria thotë se vetëm 58 plantacione kanabisi janë gjetur vitin e shkuar, kundrejt 2000 të tjerave të një viti më parë. Tashmë, fermerët po inkurajohen që të mbjellin barëra mjekësorë. Megjithatë, ka pasur shumë pak të dënuar për trafikimin dhe kultivimin e drogës. Këta trafikantë krijuan një urë trafiku nga Afganistani për në Europë përmes Turqisë dhe Shqipërisë. Makinat e tyre të sh- trenjta bien sy sheshit ende në Tiranë. “Ne i arrestojmë, por ata lirohen”, thotë Kryeministri Rama, duke shtuar se është me rëndësi procesi i vetingut të gjyqtarëve. Nga ana tjetër, ministri i Brendshëm, Fatmir Xhafaj, thotë se ka një listë të 50 kriminelëve të mëdhenj, 20 prej të cilëve operojnë jashtë vendit. “Ne po bëjmë verifikime pasurore”, thotë ai. “Do t’i kapim duke ndjekur paratë”, shton ai më tej.
Në pjesën tjetër të Europës, në Britani, trafikanti shqiptar Copja u burgos në gusht, së bashku me 41 persona të tjerë, për trafikimin e një sasie droge që vlente 60 milionë paund. Kjo çoi në publikimin e një raporti nga Policia britanike, që dilte në përfundimin se bandat shqiptare kanë kontroll të konsiderueshëm të tregut të drogës në Britani