NIS REFORMA Administrata e re, kush do largohet nga puna
Kryeministri paralajmëron largime masive në arsim dhe reformim të administratës. Si ndryshon rekrutimi dhe kush rrezikon punën
Qeveria do të nisë reforma të thella në arsimin parauniversitar, në burgje dhe në agjencinë e pronave.
Kryeministri Rama paralajmëroi largimin e 2200 mësuesve, të cilët kanë pasur rezultate të dobëta në testimin kombëtar si dhe 300 drejtorëve të shkollave. “Në këto 100 ditë janë testuar 20 000 mësues dhe janë 2 200 mësues, që do të largohen nga sistemi për shkak të rezultateve të dobëta në testim. Sikundër 300 drejtues shkollash me performancë mizerabël janë larguar dhe janë zëvendësuar nga 300 mësues të renditur në vendet më të larta nga testimet e bëra nga Ministria e Arsimit dhe nga rezultatet në performancën e tyre. Ka filluar puna për të themeluar shkollën e drejtorëve të shkollave, për të pasur si në vendet normale një shkollë menaxherësh publikë për shkollat për gjithë sistemin paraunviersitar”, tha Rama gjatë fjalës së tij në Asamblenë Kombëtare duke bërë një pasqyrë të arritjeve të qeverisë në 100 ditët e para të saj. Sipas tij, nuk do të ketë asnjë emërim jashtë portalit. “Ndërkohë reforma e Drejtorive Arsimore do të hyjë tani në fazën e zbatimit. Nuk do kemi më Drejtori Arsimore të organizuara si sot. Do kemi 4 Drejtori Arsimore të Përgjithshme dhe pastaj të tjerat do të jenë Zyra Arsimore që nuk do merren më me kë do fusim në punë, kë do heqim nga puna, sepse këtë do ta përcaktojë vetëm merita e mësuesve nëpërmjet portalit, por do merren vetëm me standardet”, tha Kryeministri. Edhe rekrutimet e infermierëve do të kalojnë përmes portalit pas testimeve. “Edhe këtu i kthehem prapë historisë së meritës, kompetencës dhe mënyrës sesi rekrutohen profesionistët në këtë vend, do të lancojmë në ditët e ardhshme, portalin e infermierëve për Shqipërinë. Nuk do të ketë më histori me infermierë që emëron partia, me infermierë, që vijnë nga rruga e partisë dhe që ngatërrojnë gjilpërën me gozhdën. Infermierët do të testohen, në bazë të testit do marrin pikët e në bazë të pikëve do të rekrutohen në të gjitha pikat e shërbimit të Republikës së Shqipërisë. Kush ka nevojë të rekrutojë infermierë, i drejtohet portalit dhe nuk i drejtohet partisë, fisit apo fshatit”, tha Rama. Edhe burgjet do të kalojnë në reformë. “Sistemi i burgjeve i Republikës së Shqipërisë është një nga trashëgimitë më të rënda historike, por dhe një pjesë shumë e rëndë e trashëgimisë së koalicionit. Në atë çka kemi bërë, na është dashur të adresojmë paralelisht, jo vetëm trashëgiminë, por edhe problemin kulturor brenda nesh, që tani burgjet ikën nga LSI e do i marrë PS. Kjo nuk ka për të ndodhur. Për këtë arsye, kemi vendosur kritere shumë të rrepta e në