Mustafaj: Protesta, bashkim i pakënaqësisë
"Enigmë forca e LSI- së, nuk ka protestuar më parë"
Ish- ministri i PD- së, Besnik Mustafaj, shprehet optimist për protestën që opozita do të organizojë më 27 janar përpara kryeministrisë. Në një intervistë për "News 24", Mustafaj ka theksuar se kjo protestë është ndryshe nga protestat e zhvilluara nga PD- ja përpara zgjedhjeve të 25 qershorit, pasi tashmë ndihet pakënaqësia e theksuar ndaj qeverisë. Megjithatë, ish- ministri i PD- së nuk beson ashtu siç Basha ka premtuar, qeveria të çmontohet nga protesta e 27 janarit. "Këto protesta kanë një të veçantë nga protestat e organizuara para zgjedhjeve të 25 qershorit, përfshirë edhe çadrën. Protestat këtë herë janë një bashkim i pakënaqësisë së një partie të majtë dhe një koalicion i partive të djathta. Mbetet për t'u parë se sa ligjërimi politik i drejtuesve të dy krahëve të opozitës, sidomos i PD- së, ka arritur të ngjisë në opinionin publik dhe të bëhet bindës për të shprehur pakënaqësinë. E para që pritet është matja e forcës protestuese. Kjo është një enigmë më vete, sepse nuk dihet forca e LSI- së, pasi nuk ka protestuar kurrë dhe nuk dihet forca e PD- së pas çadrës dhe zgjedhjeve të përgjithshme. Por nuk u besoj atyre që thotë Basha se kjo protestë do të çmontojë qeverinë. Pasi aktualisht qeveria ka legjitimitet të plotë, ka numrat në Parlament, ka një grup parlamentar, që qartazi Rama e kontrollon mirë", deklaron Mustafaj. Sipas ish- ministririt të PD- së, Edi Rama përballë protestës së thirrur nga opozita, po përpiqet të për- dorë kartën e integrimit në BE, për të rritur pakënaqësinë e shqiptarëve për këtë reagim të PD- së. "Rama ka një refuzim total për të bërë një analizë, për të parë nëse opozita ka apo jo arsye për të qenë në protestë. Deri tani, ka bërë akuza se opozita organizon protesta se ka frikë Reformën në Drejtësi, pasi nuk ngjiti kjo tezë, tani po kërkon të spekulojë me ndjeshmërinë që ka opinioni publik ndaj procesit të in- tegrimit. Nëse protestat do të jenë në standardet demokratike, do të jenë në përputhje me liritë mbi të cilat është e mbështetur liria europiane, kjo protestë apo edhe të tjera që do të zhvillohen nuk do të pengojnë çeljen e negociatave. Ajo është një etapë e ndërmjetme drejt integrimit europian, e cila nuk presupozon që u shuajt pakënaqësia ndaj qeverisë në një vend që aspiron drejt BE- së", thekson ish- ministri i PD- së.