Librazhd, 18- vjeçarja tenton vetëvrasjen me 19 paracetamol
LIBRAZHD- MALIQ- Një 18- vjeçare tentoi t'i jepte fund jetës duke konsumuar një grusht me medikamente, ndërsa një 65- vjeçar u gjet pa jetë në një rezervuar, ku Policia ka dyshime se është vetëflijuar. Ngjarja ku u përfshi vajza 18 vjeçe, ndodhi në fshatin Bardhaj, në rrethin e Librazhdit, e cila ka tentuar që t'i japë fund jetës duke pirë disa medikamente njëherësh. Sipas informacioneve nga Policia, e reja ka pirë 19 kokrra paracetamolë, por fatmirësisht është pikasur në kohë nga familjarët e saj dhe është nën kujdesin e mjekëve. "Më datë 13.01.2018 në fshatin Bardhaj, në banesë shtetësja A. B, 18 vjeçe, ka pirë 19 kokrra parac- etamolë, për pasojë ndodhet në spital nën kujdesin e mjekëve. Materialet u referuan në Prokurorinë e Rrethit Gjyqësor Elbasan për vlerësim", thuhej në komunikatën e Policisë. Ndërkaq, grupi i hetimit ka nisur punën për të zbardhur motivin e kësaj ngjarjeje të rëndë. Janë marrë në pyetje familjarët, të cilët sipas të dhënave kanë mohuar të kenë dijeni për ndonjë shkak të mundshëm që e ka shtyrë të renë të tentonte vetëvrasjen. Policia nuk përjashton dyshimin e ndonjë zhgënjimi nga ana e të resë. Një tjetër ngjarje, por me pasojë vdekjen, është shënuar në Maliq. Policia bëri të ditur se është njoftuar se në rezervuarin e fshatit Bletas ( Bratomirë), është gjetur i mbytur shtetasi G. M, rreth 65 vjeç, banues në Podgorie- Maliq. Nga të dhënat e para dhe këqyrja e trupit të viktimës nuk janë konstatuar shenja dhune. Nga deklarimet e marra familjarëve, rezultoi se ai vuante nga depresioni dhe më datë 13.01.2018, ishte larguar nga banesa në mbrëmje pa lënë informacion mbi vendndodhjen e tij.