Kryeprokororja, opozita: Ndryshime në Kushtetutë
PD e LSI mbledhin 55 firma deputetësh: Si do zgjidhet Prokurori i Përgjithshëm i Përkohshëm
Deputetët e Grupit Parlamentar të PD- së e LSI- së kërkojnë përfundimin e mandatit të Kryeprokurores Arta Marku, një muaj pasi ajo u zgjodh vetëm me votat e PS- së në Parlament.
Në kushtet kur ende nuk është ngritur Këshilli i Lartë i Prokurorisë, deputetët e dy grupeve parlamentare dorëzuan në Kuvend amendamente kushtetuese dhe ligjore, përmes të cilave kërkuan ndryshimin e mënyrës së zgjedhjes së Prokurorit të Përgjithshëm të Përkohshëm. Amendamenti i opozitës, i cili u bë pjesë e kalendarit tre- javor të punimeve të Kuvendit, propozon një tjetër formulë për zgjedhjen e Kryeprokurorit të ri. Amendamenti parashikon zgjedhjen e Kryeprokurorit të Përkohshëm me 3/ 5- at e votave në Kuvend dhe detyrimin që kandidati për Kryeprokuror, të kalojë procesin e Vettingut. "Prokurorit të Përgjithshëm në detyrë, i përfundon koha e qëndrimit në detyrë të nesërmen e hyrjes në fuqi të këtij ligji. Deri në zgjedhjen e Prokurorit të Përgjithshëm sipas procedurës së parashikuar në nenin 148/ a të Kushtetutës, funksionet e Prokurorit të Përgjithshëm do të ushtrohen nga një prokuror i caktuar nga Kuvendi, me tre të pestat e anëtarëve të tij, mes kandidaturave të propozuara nga Gjykata Kushtetuese, për një mandat të përkohshëm. Nëse Kuvendi nuk arrin shumicën e caktuar për zgjedhjen brenda 10 ditëve nga propozimi, kandidati i renditur i pari, që ka kaluar me sukses procesin e rivlerësimit kalimtar sipas ligjit, konsiderohet i emëruar", thuhet në amendamentin e propozuar nga PDja. Amendamenti i PD- së i heq Kuvendit të drejtën e mbledhjes së kandidaturave për Prokuror të Përgjithshëm dhe ia jep këtë të drejtë Gjykatës Kushtetuese. Do të jetë kjo gjykatë që do të bëj edhe një renditje të kandidatëve aplikantë për Kryeprokuror dhe do t'ia përcjellë për votim Parlamentit. Në rast se maxhoranca dhe opozita nuk do të da- kordësojnë një emër për ta votuar me 3/ 5- at në Parlament, automatikisht do të zgjidhet kandidati i renditur i pari nga Gjykata Kushtetuese.