Kuvendi kundër ONM, fut në garë dy kandidatë
Kandidaturat për KLP, u përjashtuan për mungesë integriteti
Vetëm tre kandidatë të Shoqërisë Civile janë përzgjedhur nga Sekretari i Përgjithshëm i Kuvendit për të kaluar në fazën e dytë, për të qenë anëtarë të Këshillit të Lartë të Prokurorisë. Bëhet fjalë për Alfred Ballën, Andi Muratej dhe Mimoza Qinami. Ndërkohë, kandidatja tjetër, Entela Baçi Hoxhaj, është skualifikuar nga gara nga Sekretari i Përgjithshëm i Kuvendit dhe nga Operacioni Ndërkombëtar i Monitorimit. Ajo që është e çuditshme, është fakti se Entela Baçi Hoxhaj ishte vlerësuar me pikët maksimale nga Komisioni i Shoqërisë Civile, e kryesuar nga Andi Dobrushi, por për ONM- në kandidatja nuk është në përputhje me ligjin. Nga tre kandidatët, vetëm njëra prej tyre ka marrë vlerësim pozitiv nga Operacioni Ndërkombëtar i Monitorimit, kandidatja Mimoza Qinami. Ndërkohë që dy kandidatët e tjerë, Andi Muratej dhe Alfred Balla janë skualifikuar nga ONM- ja, por janë rifutur në garë nga Sekretari i Përgjithshëm i Kuvendit, Genc Gjonçaj. Për Andi Muratej, ONM thekson se: Dos- ja e kandidatit dëshmon se angazhimi i tij në shoqërinë civile ka filluar vetëm në vitin 2014, kur ai filloi të punonte si menaxher/ koor- dinator projekti tek Komiteti i Helsinkit. Kjo nuk është në përputhje me kriteret e parashikuara në nenin 152,2 të ligjit, i cili kërkon një angazhim prej së paku 5 vjetësh në një organizatë të shoqërisë civile, përpara dërgimit të kërkesës për t'u bërë anëtar i KLP- së. Përveç kësaj, situata e kandidatit në aspektin profesional është shumë e paqartë. Në dosje ka disa kontrata ndërmjet Komitetit të Helsinkit dhe kandidatit në cilësinë e tij si "avokat". Ndërkohë, ligji nuk lejon asnjë aktivitet si ' avokat' për së paku dy vjet, përpara dërgimit të kërkesave". Ndërsa, për kandidatin tjetër, Alfred Balla, ekspertët e ONMsë kanë konstatuar se platforma e tij për anëtarë të Shoqërisë Civile në KLP është plagjiaturë e platformës së kandidatit tjetër të skualifikuar, Plarent Ndreca. Për të dy, ONM- ja shprehet se nuk kanë integritetin moral që shpresohet nga një anëtar i KLP- së. Por Sekretari i Përgjithshëm i Kuvendit ka mendim ndryshe nga ONMja dhe të dy kandidatët i ka rifutur në garë.