PD zbulon provën e re: Ja lidhja e Tahirit me Habilajt
Alibeaj: Siguracioni i makinës me dy emra, ish- ministri gënjeu
Partia Demokratike ka vendosur të bashkëpunojë me drejtësinë, në funksion të hetimeve për ishministrin e Brendshëm, Saimir Tahiri.
Kreu i Departamentit të Sigurisë në PD, Enkelejd Alibeaj, depozitoi në Prokurorinë e Krimeve të Rënda një provë të re, e cila sipas deputetit demokrat vërteton bashkëpunimin e ishministrit Tahiri me bandën e vëllezërve Habilaj. Alibeaj i dorëzoi Prokurorisë së Krimeve të Rënda kopjen origjinale të policës ndërkombëtare të sigurimit për Audin AA 003 GB, q, sipas përfaqësuesit të opozitës, fakton se Tahiri dhe Habilaj janë bashkëpërdorues të makinës dhe provë e qartë e lidhjes mes tyre. Polica e sigurimit të makinës së Tahirit, mban datën 2 prill të vitit 2015, kohë kur deputeti i PS- së mbante postin e ministrit të Brendshëm. Sipas Alibeajt, data e policës së sigurimit tejkalon afatet e deklaruara nga Tahiri në Kuvend, se ka pasur dijeni për pronësinë e mjetit të shitur prej tij. “Bëhet fjalë për një dokument, polica e sigurimit e makinës së njohur tashmë, narko- makinës, Audi AA003GB. Policë sigurimi, e cila tregon në përmbajtjen e saj dy emra, dy emra të përdoruesve të saj, Saimir Tahiri dhe Artan Habilaj, që tregon, mbi të gjitha, faktin e bashkëpunimit apo bashkëpërdorimit të kësaj makine. Makinë, e cila është përdorur si im- unitet për trafikun e lëndëve narkotike brenda dhe jashtë vendit. Interesant është fakti, që ky dokument është lidhur me 2 prill të 2015- ës me një kohëzgjatje deri në 1 prill të 2016ës. Pra, një periudhë e cila shkon përtej datave dhe kohës së cilës u diskutua në Këshillin e Mandateve që pretendohej se bashkëpunimi midis tyre të kishte ndodhur diku vetëm në vitin 2014. Ky dokument tregon bashkëpunimin e vazhdueshëm, të një periudhë përtej, nga prilli i 2015- ës deri në prill të 2016- ës. Që tregon faktin se Saimir Tahiri ka gënjyer për mospasjen e kurrfarë lidhjeje me bandën e Habiljave”, deklaroi Alibeaj. Deputeti i PD- së shtoi se përmes këtij dokumenti tregohet një bashkëpunim më afatgjatë mes ishministrit dhe vëllezërve Habilaj, nga ai i pranuar nga vetë Tahiri në Kuvend. “Të gjitha këto dokumente, të gjitha këto të dhëna tregojnë faktin se Saimir Tahiri ka gënjyer, tregon faktin akoma më të rëndë- sishëm, të angazhimit total të Edi Ramës, i cili ndodhet sot në një makth të tmerrshëm, për të penguar dhe mbyllur hetimin. Ndaj, jam sot këtu, për të inkurajuar Prokurorinë e Krimeve të Rënda, sistemin e drejtësisë në tërësi, që të hetojë dhe verifikojë këtë dokument, këto të dhëna me përparësi dhe një orë e më parë të paraqesë kërkesën për heqjen e imunitetit dhe arrestimin e Saimir Tahirit. Kjo është detyrë jo vetëm e një deputeti, por është detyrë e çdo qytetari, i cili kërkon të bëhet drejtësi për këto që po ndodhin”, tha deputeti i PD- së.