Investim 8 milionë euro, ja detajet e selisë së re të FSHF- së

Anëtari i Komitetit Ekzekutiv në FSHF, Arben Dervishaj, ka shpjeguar për "Panorama Sport" detaje të investimit të ri që do të kryhet për selinë e re të FSHF- së, si dhe për fushat stërvitore të Kombëtares.

"Do të jenë dy dhe me ndriçim të plotë. Një fushë me bar artificial, por jo ky që është aktualisht, më i ri dhe më modern. I cilësisë së mirë, sepse edhe të rinjtë dhe ekipet e moshave mund të vijnë të stërviten këtu. Do të jetë edhe një ministadium, i cili do të shërbejë për stërvitjen e ekipeve kombëtare. Pra, një fushë me bar natyral. Do të jetë një tribunë, me kapacitet prej 500 spektatorësh. Do të ketë ambient për mediat. Mund të zhvillohen edhe ndeshjet ndërkombëtare të ekipeve të moshave U- 17, U- 19 dhe U- 21".

Do të jenë dhomat e zhveshjesh me ambiente të fizioterapisë, të sallës së forcës, të mjekëve, të trajtimit me ujë etj. Ekipi Kombëtar A do të ketë dhomën e vet të dedikuar. Ajo do të ketë një minipishinë me xhakuzi dhe mjetet për të kryer hidroterapinë. Gjithashtu, do të jenë edhe dy dhoma të tjera për U- 17 dhe U- 19".

"Zyrat janë menduar të jenë të shtrira në pesë kate. Poshtë, në katin nëntokë, do të jetë një magazinë e madhe. Sot janë të shpërndara në disa vende, por tashmë do të jenë të grupuara si uniforma, bazë materiale etj, etj. Do të jetë edhe një sallë e madhe, me një kapacitet 150 vendesh për aktivitete, trajnime deri tek zhvillimet e punimeve të Asamblesë së Federatës".

"I kemi ndarë dhe bazuar në departamente. Kati i fundit është kati ekzekutiv,

Fushat- Dhomat Selia - 5 kate - -

presidenti dhe Komiteti Ekzekutiv. Jemi munduar që të ndërtojmë një godinë të gjelbër, në harmoni me ambientin".

"Bëhet fjalë për diçka rreth 8 deri në 8.5 milionë euro. Investim i gjithi i federatës, ku qeveria ka vënë në dispozicion vetëm truallin, duke na e dhënë në përdorim".

"Afati i ndërtimit është përllogaritur në 18 muaj. Kompania ka nisur sot ( dje) ditën e parë të punës. Do të fillojë prishja e godinës. Leja e ndërtimit është marrë në KKT", tha Dervishaj për "Panorama Sport".

Kosto - Koha -