PS refuzon ndryshimet kushtetuese, Basha: Jemi pro Reformës
Mesazhi nga John Lennon, 10 ditë para protestës: Rama mbaron, po të duash ti!
Kryetari i PD- së, Lulzim Basha, deklaroi se treguesi më i qartë i vullnetit të opozitës për të luftuar kundër krimit dhe të korruptuarve, është mbështetja e një drejtësie, që funksionon përmes zbatimit të plotë të Reformës në Drejtësi. Në një takim me përfaqësues të degëve të PD- së në Tiranë, Basha theksoi se nisma e opozitës për zgjedhjen e një Prokurori të Përgjithshëm sipas Kushtetutës dhe me vetting, tregon mbështetjen e PD- së për një drejtësi të pahapur.
“E pra, ky është një akt i përgjegjshëm politik, i cili bëhet për t’ia davaritur çdokujt dyshimin se Partia Demokratike ka ndonjë axhendë tjetër përveç se përshpejtimit të Reformës në Drejtësi. Se afërmendsh, opozita nuk ka dhe nuk mund të ketë aleatë më të mirë në luftën kundër krimit dhe kriminelëve dhe të korruptuarve, se sa një drejtësi që funksionon”, u shpreh Basha. Partia Demokratike pritet të marrë pjesë në komisionin ad hoc, që do ngrihet për Këshillin e Lartë Gjyqësor dhe Këshillin e Lartë të Prokurorisë. Pas vendimit të marrë në grupin e PD- së që demokratët do të mbajnë një marrëdhënie të kushtëzuar me parlamentin deri në protestën e 27 janarit, u vendos që opozita të paraqitet me anëtarët e saj në këto komisione. Kreu i PD- së, Basha, akuzoi Kryeministrin Rama se po kërkon të diktojë zgjedhjen e anëtarëve të Këshillit të Lartë të Prokurorisë, për të kontrolluar më pas edhe Prokurorinë e Posaçme për luftën kundër krimit dhe korrupsionit, duke shkatërruar themelet e Reformës në Drejtësi. “Saimir Tahiri kapet nga antimafia duke përfituar dhjetëra, mijëra euro, varëse e byzylykë floriri. 5 milionë euro në muaj nga trafikantët e drogës dhe Edi Rama ndalon arrestimin e tij. Përse? Fare e thjeshtë, sepse arrestimi i Saimir Tahirit, është hapi i parë drejt arrestimit dhe vënies para drejtësisë të Edi Ramës, si koka dhe arkitekti i kanabizimit dhe kriminalizimit të Shqipërisë. Po mbron veten e tij. Kaq e thjeshtë është” tha Basha.
PROTESTA Duke i kujtuar këngën e John Lenon “War is over, if you want it”, “Lufta mbaron po të duash ti”, Basha i kujtoi gjithë demokratëve, por edhe shqiptarëve se qeveria e Edi Ramës do të përfundojë, kur të gjithë bashkë të marrin vendimin për ta larguar. Kreu i PD- së shprehu bindjen se në protestë shu- mica e shqiptarëve do të tregojnë se nuk pajtohen me Aleancën e Krimit të ndërtuar nga Edi Rama, që po i varfëron çdo ditë dhe po e bën jetën e familjeve shqiptare më të pasigurt. “John Lennon, me këngën e tij të famshme “War is over, if you want it”, “lufta mbaron po të duash ti”. Edi Rama mbaron, po të duash ti! Ky është mesazhi që do t’i japim çdo sh- qiptari. Po të duash ti, po të duam ne, Edi Rama mbaron! Ky është mesazhi i protestës. Po të ngrihet populli, po të bashkohen qytetarët, Edi Rama mbaron”, theksoi kreu i PD- së. Edhe një herë, Basha ka kujtuar se protesta e 27 janarit nuk është një manifestim për interesin e një force politike, por një tubim që kërkon t’i japë zë shumicës së shqiptarëve.” Ne jemi njerëzit, që kemi ditur të sakrifikojmë edhe interesat tona politike dhe partiake, siç ishte marrëveshja e 18 majit, për interes të Shqipërisë, ndaj nuk shkojmë për karrigen tonë. Nuk shkojmë për të bërë Lulzim Bashën Kryeministër. Shkojmë për të çliruar Shqipërinë nga krimi. Për të çliruar drejtësinë nga krimi,” tha Basha.