Rivendoset stacioni i trenave në Bulevardin e Tiranës
Transportet: Heqja e stacionit uli me 60% numrin e udhëtarëve
Ndërtimi i linjës së re hekurudhore Tiranë– Durrës- Rinas do të përfshijë edhe stacionin e dikurshëm të trenave në Tiranë, në Bulevardin e Tiranës. Komisioni i Ekonomisë miratoi dje marrëveshjen për fondin e projektit që rivendos stacionin e vjetër të trenit në Tiranë. Fondet për shtimin e projektit do të përdoren nga teprica e grantit të BERZH, për hartimin e projektit të linjës hekurudhore Tiranë- Durrës. Studimi i fizibilitetit për shtesën e linjës hekurudhore do të përfshijë segmentin nga stacioni multimodial deri te stacioni historik i trenave në Tiranë. Pra, është diku 4 ki- lometra. Sipas Ministrisë së Transporteve, marrëveshja e grantit të mëparshëm parashikonte studimin Tiranë- Durrës dhe Tiranë- Rinas, i cili ka përfunduar me një vlerë financimi prej 1,1 milionë euro. Me këtë shtesë, e cila ishte një tepricë në fondet e grantit, synohet të kryhet studimi i fizibilitetit për rehabilitimin e linjës hekurudhore nga ter- minali i transportit publik në Tiranë deri te stacioni historik i trenit në Bulevardin e Tiranës. Shkak i kthimit të stacionit të vjetër të trenit është rënia e numrit të udhëtarëve. “Heqja e stacionit të trenit u konstatua me rënie drastike të numrit të pasagjerëve, mbi 60 për qind të transportuar me hekurudhë, sepse spostimi i sta- cionit të udhëtarëve në Kashar do t’i jepte një goditje të rëndë këtij transporti, sepse qytetarët nuk do të mund të vinin deri në Kashar. Për këtë u gjykua që duhej të rivendosej stacioni i dikurshëm i trenit. Pra, të funksionojë vetëm si stacion pasagjerësh dhe jo për mallrat, siç ka qenë dikur”, tha Thimoi Plaku, drejtor në Ministrinë e Transportit.