Donald Lu kundër PD dhe LSI për Kryeprokurorin, Kushtetuta është e qartë
Reagon Petrit Vasili: Kush ‘ harron’ qëllimisht Komisionin e Venecias, legjitimon kapjen e drejtësisë nga krimi dhe trafiqet
Ambasadori amerikan në Tiranë ka përsëritur qëndrimin e tij në mbështetje të opinionit të OPDAT dhe EURALIUS për Pro- kurorinë, duke iu përgjigjur akuzave të opozitës për antikushtetutshmërinë e zgje- dhjes së Kryeprokurorit të përkohshëm.
Përmes një statusi në “Facebook”, Donald Lu shprehet se Kushtetuta dhe ligji për Prokurorinë janë të qarta. “Kushtetuta dhe ligji për Prokurorinë janë të qarta. Ambasada e SHBA- ve mbështet opinionin ligjor, që OPDAT dhe EURALIUS i kanë dhënë Parlamentit”, shkruan ambasadori Lu në statusin e tij në “Facebook”. Pas kësaj deklarate të Ambasadës së SHBAve, ka reaguar edhe Kryeministri Edi Rama. “Përkthimi shqip- shqip i SHBA- ve rrëzon përsëri leximin shqip- SHQUP të Kushtetutës për drejtësinë. Shumë keqardhje dhe pak shpresë për reflektim”, shkruan Kryeministri Rama në “Facebook”. Pak ditë më parë, Partia Demokratike dhe Lëvizja Socialiste për Integrim dorëzuan në Parlament propozimin për ndryshimet kushtetuese pasi, sipas opozitës, zgjedhja e Kryeprokurorit të Përkohshëm është antikushtetuese. Madje, motivi i parë që opozita thirri protestën e 27 janarit ishte antikushtetutshmëria e Prokurores së Përgjithshme të përkohshme.
LSI Pas qëndrimit të Ambasadës Amerikane për pretendimet e opozitës për zgjedhjen e Prokurorit të Përgjithshëm të përkohshëm, reagoi dhe Lëvizja Socialiste për Integrim, përmes kryetarit të Grupit Parlamentar. Sipas Vasilit, opozita i referohet Komisionit të Venecias dhe jo opinioneve të OPDAT dhe EURALIUS. Madje, për kryetarin e Grupit Parlamentar të LSI- së, kush injoron Komisionin e Venecias, legjitimon kapjen e drejtësisë nga krimi dhe trafiqet. “Komisioni i Venecias ka folur qartë në shqip dhe në anglisht për çështjen e Kryeprokurorit. Komisioni i Venecias ka kërkuar: 1. Konsensus; 2. Përjashtimin e emërimeve tërësisht politike. Çfarë kërkon Komisioni i Venecias, kërkon edhe opozita sot. Kush ‘ harron’ qëllimisht Komisionin e Venecias dhe bëhet bashkautor i një faji të rëndë kushtetues, shkatërron përfundimisht Reformën në Drejtësi dhe legjitimon kapjen e saj nga krimi dhe trafiqet”, shkruan Vasili në një status në “Facebook” si përgjigje e qëndrimit të Ambasadës së SHBA- ve. Sipas tij, opinioni i Komisionit të Venecias nuk mund të vihet në diskutim nga asnjë institucion tjetër. “Komisioni i Venecias ka folur qartë, asnjë komision ligjesh i kapur apo më keq akoma, ndonjë mision i huaj, nuk mund të dalë mbi Komisionin e Venecias, që është institucioni me autoritar në nivel botëror dhe të cilin e kanë falënderuar të gjithë për Reformën në Drejtësi në Shqipëri; e kanë falënderuar edhe në shqip, edhe në anglisht. Po jua rifreskoj memorien me përcaktimet e Komisionit të Venecias, kjo është edhe një mundësi për disa, për të rifreskuar ndërgjegjen”, shkruan Vasili. Ai risolli edhe njëherë në vëmendje opinio- nin e Komisionit të Venecias për Prokurorin e Përgjithshëm. “Nuk ekziston një model i vetem per zgjedhjen e tyre; njekohesisht, eshte e deshirueshme qe keto emerime te rendesishme te kenë një shkalle te gjere konsensusi dhe ( nese kjo arrihet) pa kompromentuar cilesite e kandidatit te suksesshem.
Perfshirja e KLP dhe KED ne procesin e emerimit perben një garanci per perjashtimin e ëmerimeve teresisht politike te PP dhe ILD, edhe ne një situate ku shumica qeverisese kontrollon 3/ 5e votave ne Parlament”, shkruan kreu i Grupit Parlamentar të LSI- së.
“Kush ‘ harron’ qëllimisht Venecian dhe bëhet bashkautor i një faji të rëndë kushtetues, shkatërron përfundimisht Reformën në Drejtësi dhe legjitimon kapjen e saj nga krimi e trafiqet”, tha Vasili