RAMA: PA PS, NUK DO ZYRTARIZOHEJ GJUHA SHQIPE

Ministria për Europën dhe Punët e Jashtme shqiptare kanë reaguar pas deklaratës së diplomacisë ruse, për miratimin e ligjit për gjuhën shqipe në Maqedoni, duke e cilësuar si ndërhyrje në punët e brendshme të këtij shteti.

Në faqen zyrtare të “Twitter”- it, Ministri për Europën dhe Punët e Jashtme, Ditmir Bushati, ka shprehur keqardhje për reagimin e Ministrisë së Jashtme ruse, në të cilën, sipas tij, janë keqinterpretuar deklaratat e Kryeministrit Rama për miratimin e gjuhës shqipe në shtetin maqedonas. “Keqardhje për keqinterpretimin nga Ministria e Punëve të Jashtme e Federatës ruse të deklaratës përshëndetëse të Kryeministrit Rama, lidhur me ligjin e ri të përdorimit të gjuhës shqipe në Maqedoni. Ne përgëzojmë miratimin e këtij ligji, pasi ai përmbush një nga angazhimet kyçe, që rrjedhin nga Marrëveshja e Ohrit dhe është në frymën e kësaj marrëveshjeje”, thuhet në reagimin e shkurtër të diplomacisë shqiptare. Akuzat Dy ditë më parë, Ministria e Jashtme Ruse ka mbajtur një qëndrim të ashpër, ku ka dënuar deklaratat e Kryeministrit Rama, në lidhje me kontributin e qeverisë shqiptare për miratimin e gju- hës shqipe si gjuhë zyrtare me ligj. Përmes një deklarate në faqen zyrtare në “Facebook”, Ministria e Jashtme Ruse i quajti deklaratat e Kryeministrit Rama si “platformë e urryer e Tiranës”. “Ne u kushtuam vëmendje deklaratave të Kryeministrit të Shqipërisë, Edi Rama, më 14 janar, lidhur me përfshirjen në formimin e Ushtrisë Çlirimtare të Kosovës dhe ‘ betejën për Kosovën’ si dhe kontributin ven- dimtar të PS- së në procesin e futjes në Kuvendin e Republikës së Maqedonisë të ligjit ‘ Për përdorimin e gjuhëve’, sipas të cilit, gjuha shqipe, në të vërtetë, merr statusin e një gjuhe shtetërore. Kjo retorikë e Ramës konfirmon qëllimin për të promovuar më tej ‘ platformën e urryer të Tiranës’, të hartuar me pjesëmarrjen e tij personale”, thuhet në deklaratën e diplomacisë ruse. Sipas Ministrisë së Jashtme ruse, këto deklarata cenojnë Kushtetutën e Maqedonisë dhe të marrëveshjeve dypalëshe mes Shqipërisë dhe Maqedonisë. “Zbatimi i dispozitave të këtij dokumenti është i mbushur me erozionin e themeleve kushtetuese të shtetësisë maqedonase, marrëveshjes kornizë të Ohrit dhe si rezultat – goditjet e reja ndëretnike në Ballkan. E gjithë kjo, është në përputhje me ambiciet e mëdha sh- qiptare që venë në pikëpyetje integritetin territorial të një numri vendesh në rajon”, thuhet në deklaratën e Ministrisë së Jashtme ruse. Moska zyrtare, duke dhënë qëndrimin e saj për ligjin e aprovuar në Parlamentin maqedonas, shprehet se një ligj i tillë duhet të marrë konsensusin edhe të Presidentit të Maqedonisë. Pas këtij debati, Presidenti i Maqedonisë, Gjorge Ivanov, vendosi të mos e de- Gjatë një takimi me të rinjtë e forumit rinor eurosocialist, Kryeministri Rama bëri pohimin e fortë, kur tha se ishte falë qeverisë së tij, që u miratua në Maqedoni ligji për gjuhën shqipe. “Është kjo parti, që nuk do të lëvizë nga interesi kombëtar, nga të gjitha marrëdhëniet me fqinjët. Nëse përpara pak ditësh, në Parlamentin e Maqedonisë, kaloi një ligj që as nuk mund të imagjinohej, deri vetëm pak kohë më parë, unë po ju them sot me krenari që duhet të jeni të gjithë krenarë, duhet të jenë krenarë të gjithë ata që e kanë votuar, e kanë mbështetur dhe e kanë besuar këtë parti, sepse pa këtë parti në udhëheqjen e vendit, nuk do të kishte sot gjuhë shqipe të zyrtarizuar me ligj në Maqedoni”,- tha Kryeministri Rama. kretojë miratimin e ligjit për përdorimin e gjuhëve. Sipas Presidentit, ligji rrezikon karakterin unitar të shtetit, sovranitetin dhe integritetin territorial të Maqedonisë.