Banka Botërore: Kujdes me investimet publike
“Prioritet, menaxhimi i detyrimeve të prapambetura”
Banka Botërore dhe Ministria e Financave dhe Ekonomisë prezantuan dje raportin “Mbi vlerësimin e shpenzimeve publike dhe llogaridhënies financiare për Shqipërinë”. Raporti vëren se, në përgjithësi, Shqipëria ka shënuar progres në disa drejtime si besueshmëria e buxhetit, elementë të transparencës fiskale, monitorimi i shpenzimeve të detyrimeve dhe prokurimet. Raporti, po ashtu, identifikon fushat kryesore që kërkojnë më shumë vëmendje dhe që përfshijnë: monitorimin e njësive jobuxhetore, menaxhimin e investimeve publike, lidhjen më të mirë midis strategjive sektoriale dhe buxhetit, monitorimin sistematik të detyrimeve, përmbushjen e gjetjeve të auditit të jashtëm si dhe një rol më të fuqishëm të Parlamentit, si institucioni kryesor i llogaridhënies. “Forcimi i menaxhimit të financave publike duhet të jetë një prioritet për Shqipërinë. Arritja e vlerës më të mirë të parave, që vijnë nga fonde publike është edhe rruga më efektive për përmirësimin e shërbimeve bazë për qytetarët. Në përgjithësi, raporti vë në dukje se Shqipëria ka avancuar në disa fusha si, kredibiliteti buxhetor, elementë të MILIARDE LEKE parashikon qeveria të shpenzojë për investimet kapitale këtë vit. Për 2018- ën, financimi i projekteve do të zbatohet, më së shumti, nga financimi i brendshëm, pasi parashikon rreth 62% të fondit të parashikuar për investime, ndërsa pjesa tjetër është financim i huaj transparencës fiskale, monitorimi i shpenzimeve, detyrimet e prapambetura të prokurimeve. Ndërsa, në monitorimin e njësive ekstrabuxhetore, menaxhimin e investimeve publike nevojitet një përmirësim, lidhje më të mira midis strategjisë dhe buxhetit, ndjekja sistematike e detyrimeve të prapambetura dhe forcimi i Parlamentit si institucion kryesor i kërkimit të llogarisë”, tha Maryam Salim, menaxherja e zyrës së Bankës Botërore për Shqipërinë. Sipas të dhënave të raportit, Shqipëria ka marrë vlerësime pozitive për menaxhimin e borxhit publik dhe vlerësim më të ulët në shpenzimet buxhetore dhe menaxhimin e investimeve publike. Për të ardhmen, Banka Botërore shpreh mbështetjen e vazhdueshme në lidhje me sistemet e menaxhimit financiar publik. Banka është e gatshme t‘ i ofrojë asistencë qeverisë për përditësimin e strategjisë së MFP- së.