Pakti Marku- Xhafaj, Vasili: Mburojë për drogën
“Anulojeni marrëveshjen kriminale, po vjen dita e gjykimit”
Kreu i Grupit Parlamentar të LSI- së, Petrit Vasili, ka akuzuar Kryeministrin Rama se, me mbështetjen e Kryeprokurores Arta Marku, dhe ministrit të Brendshëm Fatmir Xhafaj, ka arritur të ketë mburojën e tij në trafikun e drogës. Duke iu referuar marrëveshjes së bashkëpunimit, të nënshkruar mes Kryeprokurores Marku dhe ministrit Xhafaj, dy ditë më parë, Vasili u ka kërkuar titullarëve të institucioneve të drejtësisë, të mbrojnë veten pasi dita e gjykimit po vjen. “Trafiku i drogës ka tashmë mburojën e vet në drejtësi, marrëveshjen Marku- Xhafaj. Kryeministri, që udhëheq vetë drogën, i ka emëruar po vetë këta të dy, pra, janë të tre pjesë e së njëjtës kauze të zezë. Kryeministri ka shkatërruar zgjedhjet e 25 qershorit dhe i tha Policisë flakni uniformat dhe bëni vota për Partinë Socialiste. Është kallëzuar Kryeministri në Prokurorinë e Përgjithshme dhe është mbyllur meqë me demek kishte kërkuar falje në “Facebook”, pas kryerjes së një krimi shtetëror shumë të rëndë. A ka guxim ta komentojë Xhafaj këtë vepër penale, që dezintegroi Policinë, rendin, sigurinë publike, sigurisht që jo. A ka guxim Marku ta rihapë këtë dosje të mbyllur turpërisht, sigurisht që jo. Atë, 69 votat e rilindjes nuk e kanë shpënë aty për të çuar përpara drejtësisë Kryeministrin. Po ministren e Drejtësisë, që dhunoi kod, ligj e Kushtetutë, e arrestojnë dot këta dy të besuarit e Kryeministrit?
Po ish- ministrin e Brendshëm, të akuzuar nga të gjitha anët brenda e jashtë Shqipërisë, a e arrestojnë dot këta dy besnikët e Kryeministrit? Jo dhe jo”, shprehet Vasili. Sipas kreut të Grupit Parlamentar të LSI- së, mar- rëveshja e nënshkruar mes Markut dhe Xhafës është një turp dhe varros pa kthim Reformën në Drejtësi.
“Ata janë aty të dy bashkë në marrëveshjen e turpit për t’i mbyllur, për t’i mbuluar e për t’i groposur këto çështje, si dhe për të varrosur pa kthim Reformën në Drejtësi. Kjo është mar- rëveshje për të arrestuar e përndjekur gjithë shqiptarët, për të ringjallur përndjekjen politike të Sigurimit të Shtetit dhe për mos dënuar kurrë trafikantët dhe Kryeministrin e tyre. Anulojeni këtë marrëveshje kriminale, mbroni veten të paktën, vjen shpejt dita e gjykimit, mos harroni”, deklaron Vasili.