TAKSA E PRONES
Çmimet e apartamenteve në të 32 zonat e Tiranës
Nga apartamentet te shtëpitë e legalizuara dhe garazhet , sa do paguajmë me taksën e re. Shembujt me çmimet fiskale në 32 zonat e Tiranës
Si ndryshon taksa, për shtëpitë e vjetra sa 70% e çmimit të shtëpive të reja
Drafti i qeverisë përcakton që për apartamentet e ndërtuara para vitit 1993, të cilat janë privatizuar me çmime simbolike dhe mbi to nuk është kryer asnjë transaksion, çmimi i vlerës të llogaritet sipas çmimeve fiskale të zonës, por duke zbritur vlerën 30 për qind.
Gazeta boton tabelën zyrtare me vlerën e taksës që do të paguajnë shtëpitë e ndërtuara para ’ 93 dhe pas këtij viti, për çdo lagje dhe rrugicë në Tiranë për 11 zonat kadastrale. Çdo qytetar, referuar çmimit fiskal të zonës ku banon, mund të kryejë vetë llogaritjet për vlerën e taksës që do të paguajë. Ky diferencim në vlerën 30 për qind do të jetë vetëm për apartamentet para 1993 të privatizuara, mbi të cilat nuk është kryer asnjë transaksion. Për ta konkretizuar për qytetarët, në rast se një familje banon në zonën e ish- Bllokut, në një shtëpi 100 metra katrorë, ku çmimi fiskal është 190.000 m2 dhe korrespondon me zonën fiskale 5/ 1, do të paguajë 6650 lekë taksë në vit. Kjo taksë do të paguhet nëse shtëpia e privatizuar nuk është shitur apo blerë asnjëherë. Në rast se për një apartament ekzistues është kryer një transaksion, pra, shitblerje, nuk do të ketë diferencim dhe taksa do të llogaritet mbi vlerën e transaksionit, që nuk mund të jetë nën çmimet fiskale.