Afera e pronave në Lalëz, arrestohet ish- kryetari i komunës
Krijoi kompani fiktive dhe u dha tokë në bregdet të afërmve
Katër ish- zyrtarë të Komunës Ishëm, mes tyre edhe ishkryetari socialist, Sulejman Ibrahimi, janë arrestuar me akuzën e korrupsionit dhe shpërdorimit të detyrës.
Nga hetimet e Prokurorisë Durrës, është konstatuar se ka pasur abuzim me ndarjen e tokës dhe abuzime me kontratat e qiradhënies së hapësirave publike të plazheve në Gjirin e Lalëzit, si dhe kanë krijuar kompani fiktive për të fituar tendera publike nga komuna. Në pranga kanë përfunduar ishkryetari i Komunës së Ishmit Sulejman Ibrahimi, motra e tij Shpresa Merdita, Enver Shima, me detyrë ishpërgjegjës i zyrës së Bujqësisë dhe Ornela Shëmlikaj, me detyrë sekretare arshivëprotokoll, aktualisht në detyrë në Njësinë Administrative Ishëm. Në bashkëpunim me njëri- tjetrin, ata kanë favorizuar persona të tjerë, që të përfitonin tokë në bregdet dhe të merrnin me qira fond pyjor në mënyrë të paligjshme, si dhe kanë ngritur një kompani fiktive, e cila ka konkurruar dhe fituar procedura prokurimi, që kontrolloheshin nga zyra e Urbanistikës pranë kësaj Komune. Sipas Prokurorisë, vëlla e motër kishin ngritur fiktivisht shoqërinë “Eco Alba Group” sh. p. k, të regjistruar më datë 08.02.2012, në emër të shtetasit italian V. B, më seli në fshatin Rrotull, e administruar nga Shpresa Merdita, motra e tij. Kjo e fundit, nga muaji prill 2013 – tetor 2015, ka qenë e punësuar si sekretare ligjore pranë Urbanistikës në këtë Komunë. Kjo shoqëri ka fituar procedura prokurimi dhe nga dhjetor 2013 – nëntor 2015, komuna ka xhiruar 17 urdhër pagesash në vlera të ndryshme ( 465.000 - 5.760.00 lekë) në drejtim të kompanisë fiktive. Nga ana tjetër, zyrtarët e arrestuar akuzohen se, kanë dhënë sipërfaqe toke në bregdet me anë të dokumenteve false dhe fonde pyjore me qira, në kundërshtim me ligjin, në ish- Komunën Ishëm. “Kryetari i Komunës Ishëm, nga viti 2011- 2015, ka dhënë në përdorim me kontratë qiraje, pjesë të fondit pyjor në bregun e detit, në Ish– Komunën Ishëm, në kundërshtim me ligjin për katër raste, ku njëri prej tyre është shtetasi G. R, nipi tij. Nga ana tjetër, ish- zyrtarët në hetim kanë dhënë tokë në pronësi me Akt Marrje të Tokës në Pronësi, në kundër- shtim me ligjin, ku një prej përfituesve është djali i dajës së ish- kryetarit të komunës. “Shtetasi B. B, djali i dajës së Ibrahimit, në datë 26.01.2015, me Akt Marrje të Tokës në Pronësi, ka fituar një sipërfaqe prej 3586 m2, e cila është provuar se është fituar me dokumente të falsifikuara ( vendosur sekuestro preventive). Shtetasi Fadil Hoxha, më datë 10.06.2015, me Akt Marrje të Tokës në Pronësi ka fituar me sipërfaqe toke me sip 5200 m2, e cila është provuar se është fituar me dokumente të falsifikuara ( vendosur sekuestro preventive)”, deklaroi organi i Akuzës. Gjithashtu, janë duke u hetuar me shumë se 40 raste të tjera ( disa janë familjarë dhe të afërm të ishkryetarit), të cilët dyshohen se kanë përfituar me dokumente të falsifikuara sipërfaqe toke gjatë viteve 20132014. Gjykata e Shkallës së Parë Durrës ka caktuar ma- sat e sigurimit, “arrest me burg” për Sulejman Ibrahimi, i dyshuar për veprën penale “Shpërdorimi i detyrës” e kryer në bashkëpunim dhe “Korrupsioni pasiv i personave që ushtrojnë funksione publike”. Ndërsa për Ornela Shëmlikaj dhe Enver Shima, që akuzohen për shpërdorim detyre, gjithashtu, është vendosur si masë sigurie “arrest në burg”. Ndërsa për Shpresa Merditën “arrest shtëpie”.