Droga, Basha: Rama e Tahiri kishin informacion

“SHISH, shkresa Kryeministrit për kanabizimin e vendit”

Kryetari i opozitës, Lulzim Basha, deklaroi me bindje se Komisioni Hetimor i kërkuar nga opozita do të nxjerrë në dritë të vërtetën se kultivimi i lëndëve narkotike në vend është bërë në dijeni dhe me mbështetjen e Kryeministrit Rama dhe ishministrit Tahiri. Pas mbledhjes së Grupit Parlamentar të PDsë, Basha theksoi se Shërbimi Informativ i Shtetit ka vënë në dijeni zyrtarisht institucionet më të larta në vend, përfshirë edhe Kryeministrin e vendit për kanabizimin e vendit, por nuk ka pasur asnjë reagim nga qeveria. “Edi Rama e ka pasur këtë informacion mbi tavolinë, Saimir Tahiri e ka pasur këtë informacion mbi tavolinë, Haki Çako dhe paraardhësit e tij e kanë pasur këtë informacion mbi tavolinë. E kanë pasur në mënyrë zyrtare nga Shërbimi Informativ i Shtetit, e kanë pasur në mënyrë zyrtare nga shërbime të tjera inteligjente të huaja dhe institucione të tjera që nga Interpoli e Europoli. Por Edi Rama dhe qeveria, kanë vendosur t’i varrosin këto fakte dhe këto fakte janë varro- sur në Ministrinë e Brendshme. Këto fakte janë varrosur në kasafortën e Kryeministrit për një arsye të vetme, sepse droga është bërë me dijeninë, bekimin dhe nën mbrojtjen e qeverisë dhe Kryeministrit”, deklaroi Basha. Kreu i opozitës theksoi se pjesë e veprimtarisë së Komisionit Hetimor që pritet të ngrihet në Kuvend do të jetë edhe ndërhyr- ja e maxhorancës dhe ekzekutivit në skandalin Tahiri– Habilaj. Pengimi i drejtësisë për arrestimin e ish- ministrit Tahiri dhe ekstradimi në shtetin italian të financierit të Habiljave, Nezar Seitit, sipas demokratëve, janë dëshmitë e mbrojtjes që Kryeministri po i bën ish- vartësit të tij. “Ndërhyrja e maxhorancës dhe ekzekutivit në skandalin