Vlahutin: Presim fundin e hetimeve nga Prokuroria për Tahirin
“Heqja e imunitetit të deputetëve është një përgjegjësi sovrane e Parlamentit”
Ambasadorja e Prezencës së Bashkimit Europian në Tiranë, Romana Vlahutin, tha dje se është në pritje të përfundimit të hetimit nga Prokuroria nëse ish- ministri i Brendshëm Saimir Tahiri është fajtor ose i pafajshëm. “Heqja e imunitetit është një përgjegjësi sovrane e Parlamentit.
Presim me padurim që çështja të përfundojë nga ana e Prokurorisë. Ne po monitorojmë nga shumë afër të gjithë procesin dhe presim rezultatet të bëhen publike sa më shpejt”, tha Vlahutin. Deklarata e ambasadores së BEsë në Tiranë erdhi si përgjigje ndaj shqetësimit të ngritur nga deputetët e Partisë Demokratike për çështjen “Tahiri” në sesionin e parë të takimit të 12- të të Komitetit Parlamentar të Stabilizim Asociimit BE- Shqipëri që po mbahet në Tiranë. E pyetur për rolin e ONM- së në ngritjen e organeve të reja të Prokurorisë dhe Gjykatës, Vlahutin tha se Operacioni Ndërkombëtar i Monitorimit ka vetëm rol këshillues. “Po flasim për rekomandimet e ONM- së, pra, për personat që kanë aplikuar si jo profesionistë, në këshilla. ONM ka një rol shumë të madh këshillues dhe Parlamenti ka rolin vendimtar për këtë. Pra, është përgjegjësi e Parlamentit të Shqipërisë. Nuk e di nëse publiku ka mendime, por ka pasur mendime të ndryshme nga ONM dhe nga Parlamenti për elementë të CV- ve të kandidatëve, apo interpretimeve të letrës së interesit të shprehur nga kandidatët. Pra, ligji është i tillë që Parlamenti është ai që vendos, ndërsa ONM ka vetëm rol këshillues”, tha ambasadorja Vlahutin.
KANABISI Debatit në Komitetin Parlamentar të Stabilizim Asociimit BE- Shqipëri nuk i shpëtoi as çështja e kultivimit të kanabisit.
Duke iu përgjigjur deputetit demokrat Aldo Bumçit, Vlahutin theksoi se duke iu referuar të dhënave të Guardia di Finanza, gjatë 2017- s ka pasur një ulje të kultivimit të kanabisit.
“Ai grafik tregon se po punohet akoma më shumë. Ne varemi shumë nga infor- macioni që kolegët tanë italianë na japin. Kultivimi i kanabisit është problem i hershëm. Aksioni në Lazarat nuk ndihmoi që ky problem të zhdukej, të dhënat e Guardia di Finanza thonë se është rritur kultivimi. Por, sipas saj, në 2017- ën ka pasur një ulje dramatike, jemi në pritje të sho- him se si do të jetë 2018- a. Nisur nga eksperienca e Lazaratit, presim qëndrueshmëri”, u shpreh Vlahutin. Pak ditë më parë, gjatë një interviste për agjencinë gjermane, Dojçe Vele, ambasadorja Vlahutin, duke iu përgjigjur akuzave të opozitës se po mbështet punën e qeverisë, tha se puna e saj bazohet nga burimet e certifikuara të informacionit të BE- së dhe jo qëndrimet personale. “Puna jonë si diplomatë nuk është që të biem në kurthin e retorikës së politikës së ditës, por të shqyrtojmë faktet e konfirmuara dhe vetëm faktet e konfirmuara. Dhe kur them të konfirmuara, e kam fjalën për fakte të vërtetuara nga institucione dhe agjenci të shumta të Bashkimit Europian, Shteteve Anëtare dhe partnerëve të tjerë ndërkombëtarë, në një proces shumë kompleks dhe gjithëpërfshirës të shkëmbimit të informacionit dhe konsultimeve ndërmjet shërbimeve. Kur Përfaqësuesja e Lartë e BE- së ose Komisioneri flasin për reformat në një vend, të lidhura me BE, vlerësimi i tyre bazohet në shumë burime informacioni dhe nëse ata thonë publikisht se Shqipëria po përparon, kjo do të thotë vetëm një gjë: që institucionet e BE- së kanë identifikuar se ka në fakt përparim”, tha Vlahutin.