TRUMP NGUSHËLLON PUTIN
Presidenti amerikan, Donald Trump, i ka shprehur ngushëllime homologut të tij rus, Vladimir Putin, mbi viktimat e aksidentit tragjik ajror të së dielës, nga i cili humbën jetën 71 njerëz. Avioni u rrëzua në periferi të Moskës, pak pasi ishte ngritur nga aeroporti më i madh i kryeqytetit rus. Dy presidentët u lidhën në telefon për të diskutuar mbi çështjet e Lindjes së Mesme dhe procesin e paqes atje. Gjatë bisedës, Trump shprehu ngushëllimet për ngjarjen pas mesditës së të dielës në aeroportin e Moskës. posaçëm për të hetuar se çfarë e shkaktoi rrëzimin e avionit AN148 të “Saratov Airlines” jashtë Moskës, pak pasi u nis për në Orsk në rajonin e Orenburgut, në kufi me Kazakistanin. Ndër shkaqet e mundshme që kërkojnë hetuesit janë kushtet e motit, gabimet njerëzore dhe gjendja teknike e avionit. Pamjet e kapura nga një kamera sigurie u postuan në internet të hënën dhe avioni dukej si një top i madh zjarri që lëvizte nëpër qiell. Deri tani janë gjetur 209 pjesë trupash të udhëtarëve që humbën jetën. Por autoritetet parashikojnë se për të gjetur të gjithë pjesët, do të duhet mbase më shumë se një javë. “Puna në vendin e ngjarjes është duke u kryer gjatë gjithë kohës”, u ka thënë gazetarëve ministri për Situata Emergjente, Vladimir Puchkov. Sipas ministrit janë gjetur vetëm dy trupa. Në këtë operacion janë në detyrë rreth 400 punëtorë. Operacioni i kërkimit është vështirësuar, për shkak të zonës së gjerë të shpërndarjes së trupave, borës së madhe dhe territorit të komplikuar. Zëdhënësi i presidentit Putin, Dmitry Peskov, ka thënë se Presi- denti “ka shprehur ngushëllimet e thella për të gjithë ata që kanë humbur të afërmit në këtë ngjarje”. Zëdhënësja e kompanisë, “Saratov Airlines”, Yelena Voronova, tha për televizionin amerikan NBC se, “Ekipi ka qenë me përvojë dhe avioni i sigurt”.