PROPOZIMET E PD PËR DEKLARATËN E PËRBASHKËT
1. Partia Demokratike propozon që pika 5 e rekomandimeve të modifikohet, duke vërejtur se blerja e votave dhe keqpërdorimi i pushtetit vazhdoi edhe pas marrëveshjes së 18 majit.
2. Për sa u përket zgjedhjeve, Partia Demokratike, në një amendament tjetër të saj, propozon që rekomandimet e OSBE/ ODIHR, përfshirë masat kundër blerjes së votës, duhet të zbatohen para zgjedhjeve të ardhshme.
3. Lidhur me rolin e Kuvendit, Partia Demokratike propozon që në pikën 9 të shtohet edhe një frazë tjetër, që siguron përfaqësimin e opozitës, nisur nga përjashtimi që qeveria i bëri opozitës nga takimi i fundit i Këshillit të Stabilizim- Asociimit, më 15 nëntor 2017, në Bruksel.
4. Të hiqet imuniteti parlamentar, kur ai kërkohet nga organet e drejtësisë. Qeveria refuzoi ta bënte këtë në rastin e Tahirit, çka u kritikua nga grupi i PPE- së, deputetë dhe zyrtarë të qeverive së vendeve anëtare të BE dhe SHBA.
5. Të shtohet një pikë në rekomandime për të theksuar së mosndëshkimi i politikanëve të lartë ul besimin e publikut dhe se rregullorja e Kuvendit nuk duhet të ofrojë mbrojtje ndaj të akuzuarve.
6. Partia Demokratike propozon që pika 11 e rekomandimeve, e cila bën thirrje për çrrënjosjen e kultivimit të drogës dhe ndjekjen penale të kultivuesve, të jetë më e plotë.
7. Partia Demokratike propozon që, pas pikës 11, të shtohet një pikë tjetër e re, që shpreh shqetësimin për rritjen e numrit të azilkërkuesve nga Shqipëria dhe i kërkon qeverisë ta adresojë më tej këtë fenomen. Në vitin 2017 ka pasur një bum të azilkërkuesve nga Shqipëria në vendet e BE- së, veçanërisht në Francë.
8. Partia Demokratike propozon ndryshimin e fjalisë ku preket çështja e pronave në pikën 13, duke kërkuar zbatimin e vendimit të Gjykatës Kushtetuese sepse qeveria vazhdon të zbatojë ligjin e pronave, pa marrë parasysh vendimin e kësaj Gjykate për shfuqizimin e pjesshëm të ligjit.
9. Partia Demokratike mbështet plotësisht pikën 14, ku flitet për vetëcensurën dhe ndikimin e interesave politike dhe ekonomike në media, por propozon edhe një pikë të re, ku shpreh shqetësim nga përdorimi i gjuhës së urrejtjes dhe sulmeve politike ndaj gazetarëve.