Genc Pollo: Vota e PD, kontribut për integrimin në BE
Deputeti demokrat Genc Pollo, e cilësoi votën e opozitës si kontribut për integrimin e vendit në BE. Pas mbledhjes me dyer të mbyllura, Pollo tha se opozita do të vazhdojë të japë kontributin e sa, j edhe nëse qeveria do ta bëjë atë fajtore për dështimet e saj. “Në deklaratën e përbashkët janë përfshirë disa nga shqetësimet kryesore të opozitës, që nga marrja e masave për shitblerjen e votës deri te hetimi i politikanëve të lartë si njerëzit e zakonshëm, pa mbrojtje nga parlamenti. Kjo deklaratë u miratua edhe me votat e opozitës. Është kontributi i vetëm që ne mund të kemi për të ndihmuar në avancimin e Shqipërisë drejt Bashkimit Europian, për të ndihmuar në çeljen e negociatave, të cilën shpresojmë të ndodhë në qershor. Ne do të vazhdojmë në këtë rrugë, edhe pse qeveria mund të vazhdojë me refrenin e saj se fajtore është opozita për gjithçka, përfshi edhe votimin e integrimit europian”, tha Pollo. Sipas tij, deklarata e përbashkët adreson si problemet e zgjedhjeve, ashtu dhe ato të mosndëshkimit të korrupsionit. “Faktet flasin më shumë se deklaratat dhe do të thosha që ky sot është një test, i cili përfshin shumë nga shqetësimet tona, i cili mori votat edhe të Partisë Socialiste, dhe të gjithë partive të Parlamentit Europian, të përfaqësuara nga eurodeputetët, duke nisur nga shqetësimi për blerjen e votave, në zgjedhjet e fundit parlamentare, nga presioni mbi votuesit, siç e parashikon e ligji penal shqiptar”, tha Pollo.