Themeluesi ukrainas, i zhdukur prej 2015- s
Hetimet për organizatën “Infraud” filluan nga autoritetet amerikane në vitin 2014, kur një oficer i sigurisë dërgoi një agjent të fshehtë për t’u regjistruar si anëtar i forumit të “Dark Web”. Organizata prej 36 anëtarësh, dyshohet të jetë krijuar në vitin 2010 nga shtetasi ukrainas Svyatoslav Bondarenko, 34 vjeç, i cili vijon të jetë në kërkim nga SHBA- të. Ndërsa më datë 2 shkurt u arrestua në Bangkok për llogari të Amerikës, bashkëthemeluesi i organizatës. Mësohet se Sergei Medvedev u bë “pronar” dhe administrator kryesor i “Infraud” kur Bondarenko u zhduk në 2015- ën. Në një deklaratë pas arrestimit të Medvedev, Policia tajlandeze deklaroi se kishte konfiskuar 29 objekte elektronike në apartamentin ku ai u arrestua në Bangkok. Ndërsa serverët kryesorë të organizatës “Infraud” u sekuestruan pak ditë më parë në Paris.