Tillerson: Lini mënjanë rivalitetet, mos humbisni objektivin, ISIS

Sekretari amerikan i Shtetit, Rex Tillerson, tha se administrata amerikane është e shqetësuar nga mungesa e unitetit dhe fokusit të koalicionit të 74 vendeve në luftën kundër ISIS. Sipas tij, koalicioni po humbet qëllimin e objektivit primar. Tillerson u bëri thirrje aleatëve që të lënë mënjanë rivalitetet dhe të bashkohen e të përqendrohen në detyrën e tyre: eliminimin e grupit ekstremist nga Iraku dhe Siria. Administrata amerikane e ka quajtur këtë një moment kritik. Lufta e Turqisë ndaj kurdëve, të mbështetur prej SHBA- ve, konsiderohet një shpërqendrim në aleancë.