Duterte: Qëllojini femrat rebele në gjenitale
Grupet e të drejtave të njeriut e kanë dënuar deklaratën abuzuese të Presidentit të Filipineve, Rodrigo Duterte, i cili tha se femrat rebele komuniste, të cilat po protestojnë kundër politikave të tij, duhet të qëllohen në gjenitale. Sipas grupeve të të drejtave të njeriut, deklarata e Presidentit të Filipineve nxit dhunë seksuale ndaj femrave dhe krime lufte. Grupi i krahut të majtë, Karapatan, tha se Presidenti Duterte e ka identifikuar veten si një fashist, i cili nxit shkeljen më të keqe të ligjit humanitar ndërkombëtar. Në një fjalim para rebelëve të dorëzuar komunistë, Duterte tha se administrate e tij mund t’i ndihmojë t’i kthehen jetës normale, por ngriti pyetjen pse gratë i bashkohen rebelimit dhe braktisin familjet e tyre. “U thoni ushtarëve. Ka një urdhër të ri. Ne nuk do t’ju vrasim. Ne do t’ju qëllojmë në vagina… dhe pa vagina, ju bëheni të pavlera”, tha ai duke iu drejtuar femrave rebele.