LUÇIANO BOÇI BISEDË ME PROF. FUGËN

Profesor i nderuar! Ndjesë për komunikimin nga larg që ndonjëherë ushqen kuriozitetin e të tretëve, por që unë e konsideroj de- bat të frytshëm që na shërben të gjithëve, aq më tepër që e bëj me ju!

Ndoshta po zgjatem, por kam bindjen që kam mirëkuptimin tuaj të përhershëm.

- Vërtet për ligjin e AL ne bashkë, në mënyrë të spikatur nga ju, sikurse shumë senate universitetesh, kemi shfaqur kundërshtitë tona dhe paralajmëruam katrahurën e sotme. E gjykoj sikurse ju që opozita është alternativë dhe jo thjesht kundërshti. Në këtë pikë, ne si ligjvënës kemi idetë tona për një ligj efikas e që kalon që pari në filtrin e gjykimit të trupës akademike e të aktorëve të tjerë. Shumë të tilla, ne si ligjvënës, i propozuam në orët pa mbarim të debatit në komision, por që u hodhën poshtë me kartonët e palogjikshëm të maxhorancës. Bindja jonë për ta rrëzuar këtë ligj është ndjekur gjithmonë me angazhimin për një ligj të ri. Reagimet tona në vazhdim, për mungesën e akteve nënligjore, janë natyrisht në shqetësimin se një ligj i keq i bash- kuar më një zbatim të keq e paaftësi të keqe, pjell “një përbindësh”. E në emër të mohimit të ligjit, ne nuk mund të lejojmë nëpërkëmbjet që ai prodhon. Të paktën t’i vendosim ca frena në mungesë të kartonëve. Nenet 109, 110 janë referuar për t’i thënë ministrisë pikërisht atë që më keni keqkuptuar, por që unë e kam theksuar qartë: të ardhurat e IAL- ve i jepen pedagogëve si honorare, projekte, investime, por kurrsesi si paga. Këto janë vlerë e punës së tyre mbi pagën mjerane. PAGËN e ka detyrim shteti!!!! Ministria këtë nuk e bëri.

Ndërkohë e kam shprehur bashkë me ju revoltën se kjo nuk është thjesht punë page se këta “nuk kanë ku e çojnë topin” nga frika e reagimit. Tërësisht jam me ju që kjo është një çështje e dinjitetit të nëpërkëmbur të pedagogut nga mëkëmbës injorantë!

Mbetem gjithmonë falënderues për ju e kontributin e pandalshëm!