Terrorizmi dhe droga, Gjin Gjoni takime me zyrtarët turq
Gjin Gjoni, President i Rrjetit Ballkanik të Këshillave Gjyqësorë
Një delegacion i Këshillit të Lartë të Drejtësisë së Shqipërisë, kryesuar nga Gjin Gjoni ka zhvilluar një vizitë treditore në Turqi, me ftesë të Këshillit Gjyqësor Turk.
Takimi kishte në qendër të diskutimeve, luftën ndaj terrorizmit, luftën ndaj drogës, si edhe ndryshimet kushtetuese në Shqipëri. Veç Gjin Gjonit, i cili në këtë takim merrte pjesë edhe si President i Rrjetit Ballkanik dhe Euro- Mesdhetar të Këshillave Gjyqësor, pre- zentë ishin edhe anëtarë të tjerë të KLD- së. Ata janë Gerd Hoxha, Brunilda Kadi, Petrit Çomo dhe të tjerë. Vizita zyrtare e delegacionit shqiptar që kryesohej nga Gjin Gjoni erdhi pas ftesës së Këshillit Gjyqësor Turk. Delegacioni shqiptar zhvilloi takime të rëndësishme me drejtuesin e këtij Këshilli, Mehmet Yilmaz dhe anëtarë të tjerë të tij. Gjithashtu, anëtarët e KLD- së shqiptare u pritën edhe në takime zyrtare edhe nga Prokurori i Përgjithshëm i Turqisë, Mehmet Akarca, nga anëtari i Këshillit të Shtetit dhe Presidenti i Akademisë Gjyqësore Turke, Yilmaz Akçil, si edhe nga drej- tuesi i Gjykatës së Lartë turke, Bilgim Basharan. Takime pati edhe me zv/ ministrin e Drejtësisë turke. Gjatë këtyre takimeve bilaterale u trajtuan një sërë çështjesh. Përmendim këtu bashkëpunimin reciprok mes dy vendeve, reformat legjislative, ndryshimet kushtetuese në Shqipëri, si edhe krijimi i institucioneve të reja të drejtësisë që po ndihmojnë procesin e vetingut. Gjithashtu, u diskutua edhe për një bashkëpunim më të fortë në luftën ndaj terrorizmit, luftës kundër drogës, si edhe bashkëpunimit të ndërsjelltë për ndihmë juridike mes dy vendeve. Palët diskutuan për ekstradimet e të kërkuarve nga të dyja vendet, si edhe forcimin e veprimtarisë së bashkëpunimit mes dy vendeve, por edhe me rrjetin Ballkanik dhe Euro- Mesdhetar të Këshillave Gjyqësor, ku President është gjyqtari Gjin Gjoni.