Integrimi, Basha: Shqipëria 5 vjet në vendnumëro
“PD po punon për të çliruar politikën, ekonominë nga autokracia”
Kryetari i opozitës, Lulzim Basha, ka akuzuar qeverinë se me bashkëpunimin dhe përfshirjen e anëtarëve të grupeve kriminale në të gjitha nivelet e qeverisjes ka bllokuar aspiratën europiane të vendit. Në fjalën e mbajtur në Samitin e Udhëheqësve Botërorë të Partive të Qendrës së Djathtë në Budapest, Basha ka theksuar se kapja e shtetit nga interesa private i ka shërbyer vetëm një grupi personash duke dëmtuar në tërësi të gjithë vendin. “Prej 5 vjetësh, Shqipëria nuk ka bërë asnjë hap përpara dhe mbetja në vendnumëro ka si shkak qeveritarët, që kanë vënë interesin dhe pasurimin vetjak mbi aspiratën europiane të shqiptarëve, duke tradhtuar popullin e vet. Korrupsioni dhe kapja e shtetit nga interesat private, futja e grupeve kriminale në gjithë nivelet e qeverisjes, zgjedhjet e manipuluara, ekonomia e dobët që u shërben vetëm disave, janë ato që i mbajnë vendet tona larg të ardhmes europiane”, ka deklaruar Basha. Gjatë fjalës së tij në samitin e udhëheqësve botërorë të partive të qendrës së djathtë, Basha ka theksuar se anëtarësimi në Europë është për shqiptarët një aspiratë ko- mbëtare, së cilës Partia Demokratike i ka shërbyer dhe e ka çuar përpara sa herë ka qeverisur vendin. Kreu i PD- së në fjalën e tij vuri në dukje faktin se ishte Partia Demokratike ajo që firmosi me Bashkimin Europian Marrëveshjen e Stabilizim Asociimit, anëtarësoi vendin në NATO, mundësoi heqjen e vizave me BE- në, plotësoi kushtet që vareshin prej saj për statusin e vendit kandidat dhe mori dy herë nga Komisioni rekomandim pozitiv. Gjatë qëndrimit të tij në Samitin e Udhëheqësve Botërorë të Partive të Qendrës së Djathtë, Basha është takuar edhe me Kryeministrin e Hungarisë, Viktor Orban. Në këtë takim, Basha ka siguruar Orban se Partia Demokratike po punon për alternativën e projektit europian të vendit dhe se Partia Demokratike është e vendosur ta ndryshojë Shqipërinë duke çliruar politikën, eko- nominë dhe shoqërinë nga autokracia dhe monopolet. Në takimet e zhvilluara në Budapest, Basha shprehu vlerësimin e opozitës në Shqipëri për Strategjinë e Ballkanit Perëndimor, që rikonfirmon vullnetin politik të Unionit për anëtarësinë e rajonit në Bashkimin Europian.