"Godisni bosët e krimit, jo hallexhinjtë për një çati"
Ultimatumi i Xhafajt: Ai që përmend emrin tim, të goditet i pari
"Godisni bosët e krimit dhe jo hallexhinjtë". Kjo është porosia që ka lënë ministri i Brendshëm Fatmir Xhafaj për Policinë vendore të Shkodrës gjatë analizës 1vjeçare për 2017- ën.
Sipas tij, bosët janë vërdallë dhe ata duhen goditur.
"Janë 4- 5 grupe të rëndësishme kriminale në Shkodër, që duhen goditur. Mos u merrni me hallexhinjtë, që vendosin një çati. Bosët e krimit janë vërdallë dhe ata duhen goditur. Bosët e krimit nuk duhen falur për asnjë arsye. Ai që përmend emrin tim, të goditet i pari. Dua një integritet nga të gjithë policët, nga shefat deri te polici më i thjeshtë, të mos ketë një sjellje harbute me qytetarët. Bëni kujdes me vetingun, nuk do t'i shpëtojë asnjë. Toleranca ndaj krimit do të jetë zero. Kërkoj një korrektësi maksimale dhe të goditen ata që cilësohen si të fortë. Nëse marr vesh se ka tolerime për ndërtime të mëdha pa leje të kriminelëve, përfshirje në lejimin e trafiqeve të drogës të Policisë, do jem unë i pari që s'do lejoj dhe do përballeni me ligjin. Fytyra e Policisë së Shtetit duhet të ndryshojë totalisht", tha ministri Xhafaj.
Në përfundim të analizës në linjë me ministrin është edhe Drejtori i Përgjithshëm i Policisë së Shtetit, Ardi Veliu, i cili tha se në Shkodër objektiv për 2018- ën është goditja e grupeve kriminale dhe lufta kundër kultivimit të bimëve narkotike.
"Sapo përfunduam analizën vjetore të Policisë Shkodër. Policia e Shkodrës gjatë 2017 ka pasur rezultate të prekshme në uljen e numrit të bimëve narkotike të evidentuara në territor apo sipërfaqeve të evidentuara nga Policia në krahasim me vitet e kaluara. Në 2017- ën patëm një rezultat historik përsa i përket evidentimit të bimëve narkotike. Ka pasur rezultate të prekshme edhe në goditjen e grupeve kriminale në kuadër të operacionit ' Forca e Ligjit'. Me drejtuesit e Policisë vendore të Shkodrës vendosëm prioritetet dhe objektivat që do të ketë Policia e Shkodrës për 2018. Janë objektiva që i ka edhe Policia e Shtetit dhe që do përmbushen gjatë këtij viti. Fokusi kryesor është te goditja pa ndërprerje e grupeve kriminale të evidentuara. Prioritet i dytë është lufta dhe goditja që do t'i bëhet evidentimit të personave, të cilët gjatë viteve të kaluara kanë ushtruar aktivitetin e kultivimit të bimëve narkotike. Në fokus është minimizimi maksimal i sipërfaqeve të mbjella me bimë narkotike", u shpreh kreu i Policisë së Shtetit. Sipas tij, vetingu përfshin edhe Policinë teksa efektivët e im- plikuar në kriminalitet do të largohen. Sipas tij, qëllimi i vetingut në Polici është që struktura policore të jetë me integritet. "Vetingu është ndërtuar mbi tre boshte kryesore, mbi profesionalizmin, mbi integritetin dhe mbi pjesën e pasurive apo atë që përfaqësojnë vetë punonjësit e Policisë. Në veting do kalojnë të gjitha strukturat nga unë deri te punonjësi më i fundit dhe qëllimi është që punonjës, të cilët kanë qenë të implikuar apo punonjës, të cilët kanë treguar shkallë të ulët profesionalizmi dhe përfshirjeje në aktivitet kriminal do largo- hen nga strukturat e Policisë së Shtetit. Policia e Shtetit ka nevojë për punonjës me integritet, profesionistë dhe të sakrificës. Toleranca ndaj krimit do të jetë zero dhe kjo do të realizohet nëpërmjet angazhimit dhe përgjegjësisë jo vetëm të strukturave vendore të Policisë, por edhe nën monitorimin dhe drejtimin e Drejtorisë së Përgjithshme të Policisë së Shtetit", tha më tej Veliu. Për drejtorin Veliu, Shkodra nuk përfshihet ndër qarqet më problematike. "Është duke u punuar për evidentimin e grupeve të reja kriminale nga sa kemi deri tani dhe t'i godasim bashkë
Janë 4- 5 grupe të rëndësishme kriminale në Shkodër, që duhen goditur. Mos u merrni me hallexhinjtë, që vendosin një çati. Bosët e krimit janë vërdallë dhe ata duhen goditur. Bosët e krimit nuk duhen falur për asnjë arsye. Ai që përmend emrin tim, të goditet i pari. Dua një integritet nga të gjithë policët, nga shefat deri te polici më i thjeshtë, të mos ketë një sjellje harbute me qytetarët”
me Prokurorinë. Për të goditur një grup kriminal kërkohet kohë, maturi apo edhe gjetja e provave për t'i çuar dosjet dhe materialet e nevojshme në Gjykatë", tha më tej kreu i Policisë së Shtetit.
Gjatë analizës 1- vjeçare u prezantua drejtori i ri i Policisë vendore të Shkodrës, Vehbi Bushati. Ai do të zëvendësojë Gjovalin Lokaj, i cili tashmë ka marrë detyrën e drejtorit të rendit në Policinë e Shtetit. Vehbi Bushati vjen nga një post i lartë si drejtor i Antiterrorit, duke u rikthyer në Shkodër si drejtues pas shumë vitesh.