DY MEDALJE ARI PËR ATLETIKËN SHQIPTARE, GEGA E SMAJLAJ KAMPIONË BALLKANI
Luiza Gega e ka mbyllur e para garën ballkanike në 3000 metra, zhvilluar në Stamboll të Turqisë, duke rrëmbyer edhe medaljen e artë në Mitingun Ndërkombëtar të Sallave të Mbyllura në Stamboll të Turqisë. Kampionia shqiptare ka shënuar kohën më të shpejtë, 9 minuta e 06 sekonda, duke mposhtur rivalet e tjera. Një vit më parë, po në Stamboll, atletja 29- vjeçare mori medaljen e artë në garën e 1500 metrave me kohën kohën 4: 06: 65, që është edhe rekordi kombëtar në këtë disiplinë. Izmir Smajlaj ka marrë medaljen e artë në disiplinën e kërcimit për së gjati në kampionatin për salla të mbyllura, që po zhvillohet në Stamboll të Turqisë. Izmir Smajlaj ka kërcyer më tepër se atletët e tjerë duke marrë medaljen e parë me rezultatin 7.80 metra kërcim, duke mposhtur rivalin kroat.
Sulmuesi i Kombëtares, Azdren Llullaku u transferua disa ditë më parë të skuadra e Virtus Entelës në Serinë B duke hequr dorë përfundimisht nga kampionati në Kazakistan, ku më parë ishte aktivizuar me Astanën, Tobolin dhe së fundmi ishte shumë pranë marrëveshjes me Ordabasin.
Për t'u transferuar te Entela, Llullaku ka bërë një sakrificë të madhe duke anuluar ceremoninë e dasmës me partneren e tij Roksanën. Kjo gjë është zbuluar nga kryetari i Bashkisë së Tarzos në Itali, qytezë ku sulmuesi jetoi shumë vite si emigrant. Në një prononcim për mediet vendase, Vinçento Saket nuk ngurroi t'i thurte elozhe shqiptarit. "Llullaku u largua nga lufta bashkë me mamanë dhe vëllanë e tij. Janë sjellë gjithmonë mirë dhe të gjithë i deshën shumë që në ditën e
Sakrifica -
tyre të parë këtu në Tarzo. Unë e ndjek Azdrenin fillimisht si i apasionuar i futbollit, më shumë sesa si një kryetar bashkie. Nuk e kanë të gjithë në qytezën e tyre një djalë, i cili luan në Kombëtare dhe prej pak kohësh u kthye në Itali për të luajtur në një skuadër të Serisë B. Ai është një djalë i thjeshtë, i cili ka vuajtur dhe e njeh mirë fjalën sakrificë. Unë do të kisha celebruar dasmën e tij në javën e kaluar, por ai shtyu gjithçka për shkak të nënshkrimit të kontratës së re", shpjegoi kryebashkiaku.