Korrupsioni, Shqipëria bie me 8 vende OSBE: Keqardhje
“Nxisim institucionet për zbatimin e reformave në drejtësi”
Niveli i korrupsionit në Shqipëri ka shënuar rritje, krahasuar me një vit më parë.
Ky është përfundimi i nxjerrë nga “Transparency International” i cili ka konstatuar përkeqësim në Indeksin e Perceptimit të Korrupsionit për vitin 2017. Për vitin e kaluar, Shqipëria renditet në vendin e 91 nga 180 vende, me 38 pikë, duke lënë pas vetëm Maqedoninë dhe renditet në të njëjtin vend me Bosnje- Hercegovinën. Kosova renditet në vendin e 85 me 39 pikë, duke bërë një përmirësim të lehtë në luftën kundër korrupsionit. Rënien më të madhe nga vendet e rajonit e ka pësuar Maqedonia, e cila nga vendi i 90- të që renditej në vitin 2016 ka shkuar në vendin e 107- të, ndërsa Serbia ka rënë nga pozita 72 në pozitën 77. Ndërsa Mali i Zi vijon të renditet në vendin e 64- t, ashtu si një vit më parë. Në raport, analizohen 180 vende në bazë të nivelit të perceptimit të korrupsionit në sektorin publik, përmes një shkalle vlerësimi nga 0 në 100 pikë, ku zeroja tregon një vend shumë të korruptuar, ndërsa 100- a një vend pa korrupsion. Në krye të listës renditet Zelanda e Re, e ndjekur nga Danimarka, Finlanda, Norvegjia dhe Zvicra. Nga të dhënat e raportit të “Transparency International”, Zelanda e Re, Danimarka dhe Finlanda janë vendet më të pastra sa i përket korrupsionit, ndërsa në fund të listës radhiten Somalia, Sudani Jugor dhe Siria. Organizata vlerëson se në gjashtë vitet e fundit shumë vende kanë bërë pak ose aspak përparim në luftën kundër korrupsionit.
REAGIMI Prezenca e OSBE- së në Sh- qipëri ka reaguar në lidhje me Indeksin e Perceptimit të Korrupsionit të “Transparency International” për vitin 2017, ku Shqipëria ka pësuar një rënie me 8 vende. Përmes një reagimi në “Twitter”, OSBE thekson se rezultati i Shqipërisë për vitin 2017 tregon se korrupsioni mbetet sfida më e madhe. “Rezultatet e CPI2017 paralajmërojnë se korrupsioni mbetet një nga sfidat më të mëdha të Shqipërisë. Prezenca OSBE- së vëren me keqardhje se trendi pozitiv që nga viti 2013 ndryshoi dhe nxit për më shumë llogaridhënie nga institucionet publike dhe hetim të pavarur të korrupsionit”, thuhet në reagimin e bërë nga prezenca e OSBE- së në Tiranë. OSBE ka kërkuar që institucionet shqiptare të vazhdojnë me zbatimin e reformave sipas rekomandimeve ndërkombëtare. “Prezenca e OSBE- së i nxit institucionet publike dhe agjencitë ligjzbatuese të Shqipërisë të vijojnë zbatimin e reformave në drejtësi dhe antikorrupsion, sipas rekomandimeve ndërkombëtare. Ne mbetemi të përkushtuar ta mbështesim Shqipërinë në luftën e saj kundër korrupsionit”, thuhet në reagimin e OSBE- së.