Rama zbut tonet me Metën: S’ka probleme mes meje dhe Presidentit
“Unë jam mirënjohjes ndaj Presidentit që më ka prezantuar me kanionet e falë ftesës së tij, kam bërë dhe rafting për herë të parë”
Kryeministri Edi Rama është pyetur nga gazetarët për përplasjen e fundit mes Presidentit Ilir Meta dhe ministrit të Jashtëm, Ditmir Bushati, për dhënien e plotfuqisë dhe nisjen e negociatave me palën greke për çështjen e detit.
Gjatë mbledhjes së qeverisë, të zhvilluar në qarkun e Beratit, Rama tha dje se me Presidentin Meta ndan të gjithë dashurinë për kanionet e Osumit. Kryeministri u shpreh se qëndrimin e tij për negociatat me Greqinë e ka bërë publik dhe se me Presidentin ka vetëm mirënjohje që mundësoi promovimin e kanioneve të Skraparit. “Unë ndaj me Presidentin të gjithë dashurinë për kanionet dhe të gjithë vëmendjen që kanionet të jenë një nga pikat më intensive të zhvillimit të turizmit dhe të ekonomisë së Beratit. Për sa i përket pyetjes suaj, besoj se unë e kam dhënë përgjigjen time dhe nuk i heq asnjë presje. Nëse ju keni ardhur deri këtu, për të nxjerrë një lajm se ka një problem mes meje dhe Presidentit, është vendi më i gabuar për ta bërë këtë, sepse jemi jo larg kanioneve e mbi të gjitha unë kam dhe detyrimin e mirënjohjes ndaj Presidentit që më ka prezantuar me kanionet dhe falë ftesës së tij, kam bërë dhe rafting për herë të parë”, tha dje Kryeministri Rama. Ai shtoi më tej se përgjigja e tij nuk ishte ironike, por sipas tij ka qenë Meta, që e ka nxitur të bëj rafting. “Ju ftoj edhe juve që të vini, sapo të fillojë koha e rafting dhe të bëni edhe ju rafting, siç kam bërë unë. Atëherë do kuptoni se pse përgjigja ime këtu nuk është aspak ironike dhe aspak për t’i ikur pyetjes tuaj, por është e vetmja përgjigje që unë mund të jepja, përderisa erdhët deri këtu për Presidentin”, ka thënë dje Rama.
PËRPLASJA Presidenti Meta në një dalje të posaçme për mediat për çështjen e negociatave me Greqinë u shpreh se nuk mund të anashkalonte detyrimet kushtetuese, pati ato janë “vijat e kuqe” që nuk duhen tejkaluar. “Nuk do të doja kurrë të kisha dalë në një konferencë për shtyp për këtë çështje dhe për të hyrë në disa çështje që sjellin debate të panevojshme. Aq më tepër në marrëdhëniet me një vend fqinj dhe shumë të rëndësishëm, por e theksoj që jo për shkak të dëshirës sime, por për shkak të detyrës sime si President dhe betimit tim për respek- timin e Kushtetutës së Shqipërisë, jam i detyruar të marr të gjitha përgjegjësitë që përcakton Kushtetuta dhe vendimi i Gjykatës Kushtetuese vetëm për këtë çështje. Presidenti nuk mundet të anashkalojë këto detyrime kushtetuese, sepse këto janë ‘ vija të kuqe’ për Presidentin dhe sigurisht dhe për mua personalisht dhe e ka për detyrë që të ushtrojë të gjitha përgjegjësitë e tij nga fillimi dhe deri në fund në kurorëzimin e kësaj marrëveshje”, ka thënë Meta. Duke folur për marrëveshjen, Meta është shprehur se Presidenti nuk mund të anashkalohet nga negociatat dhe se nuk duhet vënë para fakteve të kryera. “Presidenti nuk mund të vihet para fakteve të kryera. Presidenti nuk mund të reagojë në fund, në rast se kjo marrëveshje nuk i plotëson
Unë ndaj me Presidentin të gjithë dashurinë për kanionet dhe të gjithë vëmendjen që kanionet të jenë një nga pikat më intensive të zhvillimit të turizmit dhe të ekonomisë së Beratit
këto kushte, sepse do të thotë që nuk e ka bërë detyrën e tij dhe më pas të thotë se nuk jep besimin që të nënshkruhet marrëveshja, sepse do të kontribuonte për thellimin e krizës dhe jo për zgjidhjen e problemit”, ka thënë Meta.