Gjykata lë në burg Karkinin dhe zyrtarët e Hipotekës
Detyrim paraqitje për kreun e Bashkisë së Rrogozhinës
Gjykata e Kavajës ka rikonfirmuar masat e sigurisë për 10 të akuzuarit për tjetërsimin e pronave në bregdetin e Spillesë.
Seanca u zhvillua ditën e djeshme në orën 13: 30 dhe përfundoi në orën 18: 00. Gjykata dha arrest me burg në mungesë për biznesmenin Ilir Karkini, i cili akuzohet për tjetërsimin e ish- poligonit ushtarak. Në burg u lanë edhe Asim Arkaxhiu, ish- regjistrues në Hipotekën e Kavajës, Aldo Kila, jurist i Hipotekës së Kavajës, Shpendi Duma, juristi i Bashkisë së Rrogozhinës, Arben Daja, sekretar i protokollit të Bashkisë së Rrogozhinës si edhe Artur Tosku, kryeinspektor i IMTV- së së Bashkisë së Rrogozhinës. Gjykata rikonfirmoi masën e sigurisë, “detyrim paraqitje” për kreun e Bashkisë së Rrogozhinës, Beqir Nurdeninin, dhe për Arben Kajën, specialist i IMTV- së së Bashkisë së Rrogozhinës. Gjithashtu, në seancën e djeshme, u konfirmua arresti shtëpiak për noterin Julian Zhelegu. Ky i fundit nuk u paraqit në seancën e djeshme, edhe pse Policia e Tiranës konfirmoi se ishte njoftuar për gjyqin. Gjykata vendosi edhe pezullimin e aktivitetit të noterit Arbër Aliu. Në dosjen e Prokurorisë së Kavajës, që kërkoi masat e sigurisë për 10 të dyshuarit e përfshirë në tjetërsimin e pronave në Spille, është zbardhur edhe skema e “grabitjes” së ish- poligonit ushtarak nga biznesmeni Idlir Karkini. Privatizimi i poligonit të qitjes në fshatin Rreth- Greth u zbulua 3 vjet me vonesë, vetëm pas një kallëzimi të forcave të ushtrisë, të cilët kishin parë disa punëtorë që për llogari të Idlir Karkinit, po pastronin shkurret në brendësi të zonës ushtarake. Sipas dosjes së Prokurorisë, ish- poligoni i ndarë në dy prona, përkatësisht me numër pasurie 97/ 1 dhe 97/ 2, i është shitur biznesmenit Karkini nga dy banorë të zonës me vlerën e 3 milionë lekëve të rinj. Njëra është shitur për 1.6 milionë lekë dhe tjetra për 1.4 milionë lekë. Sipas dokumenteve, për bazën ush-
MILIONE lekë ka paguar biznesmeni Karkini për të blerë ishpoligonin ushtarak në Spille. Sipas skemës së mashtrimit, prona është tjetërsuar në Hipotekë, duke kaluar në pronësinë e disa banorëve të zonës, pa dijeninë e tyre dhe më pas është bërë akti i shitjes te dy noterët e akuzuar
tarake të forcave ajrore janë përdorur dy akte të marrjes se tokës në pronësi të falsifikuara, që të dyja të vitit 2000 dhe që shfaqin si pronarë shtetasit, Rrahman Qoshja dhe Valbona Elezi. Te të dy këta persona ishin paraqitur persona të punësuar në shoqërinë “Idea Tel” të Karkinit dhe duke u marrë kartat e identitetit kishin bërë regjistrimin e pronës.