Lista e Metës, kandidatë “vip” për në Kushtetuese

Nga ish- kryeprokurori Theodhori Sollaku tek ish- ministri Ilir Panda

Zbulohen emrat e 22 kandidatëve, të cilët kanë aplikuar për dy vendet vakante në Gjykatën Kushtetuese. Në garë për të zënë vendin e lënë vakant nga ish- anëtarët e Gjykatës Kushtetuese, Besnik Imeraj dhe Sokol Berberi, janë 22 kandidatë. Mes emrave që vijnë nga radhët e avokatëve, prokurorëve dhe gjyqtarëve bie në sy emri i ish- Kryeprokurorit Theodhori Sollaku, aktualisht në procesionin e avokatit. Ai kandidon për të zënë vendin e ish- gjyqtarit Sokol Berberi. Po ashtu, ndër emrat e njohur bie në sy emri i nënkryetarit aktual të Komisionit Qendror të Zgjedhjeve, Denar Biba, edhe ky kandidat për të t’u bërë anëtar i Kushtetueses. Në Presidencë ka dorëzuar kërkesën për t’u bërë gjyqtar i Kushtetueses edhe Prokurori i Krimeve të Rënda, Besnik Muçi, i cili ishte në garë dhe për postin e Kryeprokurorit të përkohshëm të Përgjithshëm, vend të cilin e fitoi Arta Marku. Gjithashtu, në këtë garë ka kandiduar Ilir Panda, ish- kandi- dat nga radhët e profesorëve për në Këshillin e Lartë të Gjyqësorit. Ky i fundit nuk fitoi herën e tretë nga shorti me gogla dhe nuk u bë pjesë e trupës gjykuese të KLGJ- së. Si kandidat është regjistruar dhe ish- gjyqtari i Gjykatës Europiane i të Drejtave të Njeriut, Kristaq Traja, si dhe juristi që përfaqëson komunitetin e personave më aftësi të kufizuara, Sinan Tafaj. Edhe ky i fundit ishte kandidat nga radhët e avokatëve për garën e Këshillit të Lartë të Gjyqësorit, por nuk fitoi nga shorti me gogla. Në garën e “vipave” të drejtësisë bie në sy dhe emri i prokurores, Rovena Gashi, kjo e fundit u shkarkua nga detyra nga Kryeprokurorja Arta Marku disa javë pasi u emërua në këtë funksion. Rovena Gashi është zgjedhur njëkohësisht dhe si anëtare e Këshillit të Emërimeve në Drejtësi, por ky organ i ri Kushtetues ka mbetur pa u konstatuar, pasi anëtarët e saj nuk i janë nënshtruar vetingut. Ajo që bie në sy është se 16 prej kandidatëve të kësaj liste kanë kandiduar njëkohësisht për të dy postet, edhe për të zëvendësuar Berberin, por edhe për të vazhduar mandatin e Besnik Imerajt, i cili dha dorëheqjen disa javë më parë. Për ish- anëtarin e Gjykatës Kushtetuese, Komisioni i Pavarur i Kualifikimit njoftoi ndërprerjen e procesit të vetingut që kishte nisur ndaj tij. Ndërkohë që Sokol Berberi është dorëhequr që para një viti e gjysmë, pasi ai është propozuar nga qeveria Rama në tri raunde për të qenë gjyqtari i Shqipërisë në Strasburg, por të tri herët emri i tij është refuzuar.