ALIBEAJ: MARKU DO VOTOJË EMRAT QË DO RAMA
Partia Socialiste ka rrëzuar dje propozimet për ndryshimet Kushtetuese të opozitës, që parashikojnë rizgjedhjen e Kryeprokurorit të Përgjithshëm dhe shkarkimin e Arta Markut.
Gjatë mbledhjes së përbashkët të Komisionit të Ligjeve dhe Këshillit të Legjislacionit, maxhoranca votoi me 8 vota kundër dhe vetëm 6 vota pro amendamentet e propozuara nga Partia Demokratike, ç’ka bëri që propozimi të mos miratohej nen për nen, por gjithsesi t’i kalojë seancës plenare për votim. Ndryshimet Kushtetuese janë të destinuara të rrëzohen, pasi miratimi i tyre kërkon të paktën 94 vota në Parlament, të cilat as PD dhe as PS nuk i kanë. “Nuk miratohet, sigurisht sipas nenit 38 të rregullores kur nuk miratohet në parim, nuk kalon nen për nen. Çështja i kalon seancës për shqyrtim”, tha dje kryetari i Kuvendit, Gramoz Ruçi.
DEBATI Gjatë seancës, kryetari i Këshillit të Legjislacionit, Oerd Bylykbashi, tha dje se maxhoranca kishte mundësinë që duke miratuar amendamentet e PD- së të zhbënte shkeljen kushtetuese që bëri me emërimin e Prokurores së Përgjithshme të Përkohshme. Ai tha se Prokurorja Arta Marku ka lënë në detyrë vetëm prokurorët e komand- uar, që kanë lidhje me zyrtarët e PS- së.
“Kemi mundësinë sot të zhbëjmë shkeljen kushtetuese dhe ajo që mbetet një ëndërr e keqe. Kjo Prokurore e Përgjithshme e përkohshme dëmin që po bën deri më sot, problemet që jo po liron, jo po kthen pasaportat. Çfarë heq prokurorë të komanduar, gjoja po kthen situatën normale se ai që ishte para saj, ishte i delegjitimuar. Kemi sot faktin se si prokurorë të komanduar që kanë lidhje të drejtpërdrejta me zyrtarë të lartë të Partisë Socialiste mbeten të ko- manduar. Nga të rrallët që kanë mbetur, tregon kjo diçka”, tha Bylykbashi. Por, qëllimi i kapjes së këtij institucioni, sipas demokratit, është për të kapur Këshillin e Lartë të Prokurorisë dhe më Pas Prokurorinë AntiKorrupsion.” Përveç zullumeve të vogla që mund të bëj kjo kryeprokurore në këtë fazë, halli është te sistemi që prodhon. Do të jetë Prokurorja, që do të ndikojë në zgjedhjen e 6 anëtarëve të Këshillit të Lartë të Prokurorisë dhe 5 anëtar që ju i zgjodhët me shortin me gogla, ju do të përcaktoni kush do jetë Prokurori i Përgjithshëm me mandatin 7- vjeçar kushtetues. Ky është shërbimi i madh që ju bën PPP- ja sot. Detyra e vyer e Kryeprokurores së përkohshme do të jetë përzgjedhja e anëtarëve të SPAK- ut”, ka thënë deputeti i PD- së. Por, për Ulsi Manjën, kreun e Komisionit të Ligjeve, maxhoranca nuk kishte bërë asnjë shkelje ligjore me emërimin e Arta Markut.
“Shqipëria sot ka Prokuror të Përgjithshëm të zgjedhur sipas Kushtetutës, që ushtron detyrën deri në zgjedhjen e prokurorit të ri, Nënkryetari i Komisionit të Ligjeve, Enkelejd Alibeaj, tha dje se me emërimin e Arta Markut u shkel Kushtetuta dhe u rrënua besimi në sistemin e Prokurorisë. “Mjafton të kapi drejtuesit e prokurorisë së rretheve dhe të ngratët prokurorë që nesër pasnesër do mblidhen për të votuar në asamblenë e tyre përfaqësuesit në KLP do jenë të detyruar, të ledhatuar nga Prokurorja e Përgjithshme për të votuar ata emra, që Prokurorja e Përgjithshme do t’u thotë, ata të cilët i ka thënë Edi Rama”, tha ai. konform Kushtetutës. Nuk jemi në konflikt me Kushtetutën. Kuvendi është në respektim të Kushtetutës dhe të ligjit. Dispozita tranzitore e Kushtetutës nuk e ka zgjidhur rastin e vakancës së krijuar në mbarimin e mandatit të Prokurorit të Përgjithshëm, siç e ka zgjidhur për organet e tjera kushtetuese. Këtë e ka bërë ligji numër 97, 2016 për Prokurorinë”, u shpreh ai.