Basha: Kë të besojmë, klanin Rama të Xibrakës apo Xhafajn e Bolonjës?
Kryeministri Rama dhe ministri i Brendshëm Xhafaj kanë vlerësuar aksionin e Policisë shqiptare për kapjen e 613 kilogramëve kokaine në Durrës, por nuk kanë qenë në një mendje për pjesëmarrësit në këtë aksion.
Menjëherë pas bllokimit të sasisë së lëndës narkotike, ministri Xhafaj ka vlerësuar bash- këpunimin e Policisë së Shtetit me agjencitë partnere të huaja. “Një superaksion i Policisë së Shtetit në bashkëpunim me agjencitë e tjera ligjzbatuese vendase dhe të huaja. Goditje e fortë trafikut ndërkombëtar të drogës! Hetimi vazhdon! Forca e Ligjit, forca e shtetit po vepron”, shkruan Xhafaj në një reagim të shpejtë të tij në “Twitter”. Por Kryeministri Rama, disa orë më vonë, e cilësoi aksionin e kapjes së sasisë më të madhe të kokainës në Durrës si sukses ekskluziv të institucioneve ligjzbatuese shqiptare. “Operacioni më i fundit i Policisë së Shtetit, kryer në bashkëpunim me Hetimin Doganor dhe Prokurorinë e Krimeve të Rënda, shënon një hap të madh përpara të shtetit tonë në përballjen me krimin e organizuar. Kapja e një sasie shumë të konsiderueshme kokaine, më e madhja e kapur ndonjëherë në vendin tonë, përmes ndërveprimit mes agjencive tona ligjzbatuese, ka një domethënie të plotë për vendosmërinë, gatishmërinë dhe aftësinë që po fitojmë dita- ditës në këtë përballje. Por, padyshim, shumë domethënëse, edhe për integritetin e strukturave tona ligjzbatuese. Të cilat në rastin konkret kanë sekuestruar drogë të fortë me një vlerë 180 milionë euro, nëse do të dilte në tregun europian për ku ishte e destinuar”, shkruan Rama në “Facebook”. Në vijim të reagimit të Kryeministrit thuhet qartë se nuk ka pasur asnjë sinjalizim nga vendet europiane nga ku ka kaluar droga. “Edhe fakti që ky operacion është zhvilluar i gjithi në territorin e vendit, pa asnjë sinjalizim nga vendet europiane ku ngarkesa ka udhëtuar përpara se sa të hynte në portin e Durrësit, ka domethënien e rëndësishme të forcës ligjzbatuese që disponojmë sot, duke
Kryetari i Partisë Demokratike, Lulzim Basha, e cilësoi një kronikë të paralajmëruar kapjen e 613 kilogramëve kokaine në Durrës. Për Bashën, krimi i organizuar me mbështetje qeveritare ka marrë nën kontroll trafikun e drogave të forta, kokainë dhe heroinë. “Kapja e 613 kilogramëve kokainë është një kronikë e paralajmëruar nga Partia Demokratike. Në mënyrë të përsëritur, kemi denoncuar në Kuvend dhe në media se krimi i organizuar me mbështetje qeveritare, ka marrë nën kontroll trafikun e drogave të forta, kokainë dhe heroinë. Kjo ngarkesë rekord e kokainës nuk mund të kalonte nga Shqipëria pa garanci politike. Këtë paralajmëroi edhe Kryeprokurori i Antimafias De Raho të hënën në Tiranë, kur deklaroi se mafia ka lidhje me politikën shqiptare dhe ka pushtuar Policinë. Me këtë rast, dua t’i shpreh mirënjohjen partnerëve të huaj që drejtuan operacionin me sukses dhe e vunë para faktit të kryer narkoshtetin dhe levat e tij në Shqipëri”, deklaroi Basha. Sipas kreut të PD- së, rokada në krye të Ministrisë së Brendshme, Tahiri- Xhafaj, solli edhe rokadën e klaneve të grupeve kriminale, të cilat bëhen me mbështetje të Kryeministrit Rama. “Rokada nga klani Tahiri- Habilaj i kanabisit te klanet e heroinës dhe kokainës të Xhafajve me kompani, kanë si pikë të përbashkët mbrojtëse, Kryeministrin Edi Rama. 613 kilogramët e kokainës, të kapura për shkak të partnerëve tanë, janë tregues se Shqipërinë sot e drejton banda e kokainës dhe se largimi i saj dhe krijimi i një qeverie antimafia është emergjencë kombëtare. Edi Rama dhe Fatmir Xhafaj janë aq të pabesueshëm, saqë i pari i bandës thotë se operacioni për kokainën ishte rezultat vetëm i agjencive shqiptare, ndërsa i dyti thotë se kapja u krye në bashkëpunim me agjencitë e huaja. Cilin nga klanet e drogës duhet të besojmë? Atë të Edi Ramës, pra, klanin e kokainës së Xibrakës, apo klanin e Bolonjës së Agron Xhafajt, i cili ka përvojë më të gjatë me trafikun e drogës nga Amerika Latine, për të cilin është dënuar në Itali”, tha Basha. Presidenti Ilir Meta përshëndeti aksionin e fundit të Policisë së Shtetit për kapjen e 613 kg kokainë në Portin e Durrësit. “Presidenti Meta, duke theksuar rrezikun kryesor që i vjen sigurisë kombëtare të vendit nga fuqizimi i krimit të organizuar dhe trafikut të drogës, kërkon thellim të mëtejshëm dhe intensifikim të bashkëpunimit të agjencive ligjzbatuese me partnerët ndërkombëtarë”, thuhet në mesazhin e Metës. Presidenti gjithashtu “inkurajon pastrimin e Policisë së Shtetit dhe gjithë agjencive ligjzbatuese nga elementët e inkriminuar, në funksion të përmbushjes me sukses të detyrimeve ligjore dhe kushtetuese”. nisur nga pikat doganore”, shkruan Rama. Por pas kësaj përplasjeje, ministri i Brendshëm, Fatmir Xhafaj, ka sqaruar rolin e partnerëve duke u tërhequr nga deklarata e tij e mëngjesit. “Një super operacion i Policisë së Shtetit dhe Hetimit Doganor u zhvillua në diskrecion të plotë dhe me rezultatin e pritshëm spektakolar, falë një pune me përkushtim dhe sakrificë njerëzore. Falënderim dhe mirënjohje të thellë për punonjësit e Policisë të përfshirë në këtë operacion, si dhe për përfaqësuesit e agjencive të tjera qeveritare ligjzbatuese që u bënë pjesë e tij. Inkurajim për të vazhduar në këtë rrugë”, shkruan Xhafaj. Ai sqaron dhe diferencat mes qëndrimit të tij dhe të Kryeministri Rama. “Sa për spekulimin për ‘ përplasjen’ mes deklaratës time dhe asaj të KM për bashkëpunimin me partnerët, sqaroj se: identifikimi i kokainës dhe personave të lidhur me të, ishte falë Policisë së Shtetit dhe Hetimit Doganor. Pas sekuestrimit të drogës sot, Policia i ka kërkuar agjencive të huaja informacion dhe bashkëpunim për hetime të mëtejshme. Ky është bashkëpunimi me ta”, shkruan Xhafaj në sqarimin e tij përmes një statusi përsëri në “Tëitter”.